চাকৰিৰ লোভত চাকৰি কৰি থকা পিতৃক নৃশংসভাৱে হত্যা পুত্ৰৰ। এই ঘটনা সংঘটিত হৈছে ঝাৰখণ্ডৰ ৰামগড় জিলাত। ৫৫ বছৰীয়া কৃষ্ণ ৰাম নামৰ লোকজন ৰামগড়ৰ চেন্ট্ৰেল ক’ল ফিল্ড লিমিটেডত কৰ্মৰত আছিল। তেওঁক ডিঙি কাটি পুত্ৰই হত্যা কৰাৰ অভিযোগ। (প্ৰতীকী ফটো)
বৃহস্পতিবাৰে মৃত কৃষ্ণ ৰামৰ ডিঙি কটা অৱস্থাত মৃতদেহ উদ্ধাৰ হয়। পিটিআই সূত্ৰত প্ৰকাশ, চেন্ট্ৰেল ক’ল ফিল্ডৰ হেড অফিচৰ হেড ছিকিউৰিটী পদত কৰ্মৰত আছিল কৃষ্ণ। (প্ৰতীকী ফটো)
আৰক্ষীয়ে ঘৰৰ পৰা হত্যাকাণ্ডত ব্যৱহৃত অস্ত্ৰ আৰু মৃত কৃষ্ণ ৰামৰ ম’বাইল ফোন উদ্ধাৰ কৰিছে। ইতিমধ্যে আৰক্ষীয়ে মৃত লোকজনৰ ডাঙৰ পুত্ৰক গ্ৰেপ্তাৰ কৰিছে। (প্ৰতীকী ফটো)
পিটিআইৰ খবৰ অনুসৰি, আৰক্ষীৰ জেৰাত ভাঙি পৰে মৃত লোকজনৰ পুত্ৰ। স্বীকাৰ কৰে চাকৰিৰ লোভত পিতৃক হত্যা কৰাৰ কথা। যাতে পিতৃৰ মৃত্যুৰ পিছত ক্ষতিপূৰণ হিচাপে পিতৃৰ চাকৰিটো পায়। কাৰণ তেওঁ জানিছিল, চাকৰি কৰাকালীন সময়ত কোনো লোকৰ মৃত্যু হ’লে, সেই চাকৰি পুত্ৰই লাভ কৰাৰ সম্ভাৱনা থাকে। সেয়ে এই ঘটনা সংঘটিত কৰে পুত্ৰই। (প্ৰতীকী ফটো)
