দিল্লীত পুনৰ দলবদ্ধ ধৰ্ষণৰ ঘটনা! চাৰি বন্ধুৱে শেষ কৰিলে এগৰাকী ১৪ বছৰীয়া কিশোৰীক

১৪ বছৰীয়া এগৰাকী কিশোৰীৰ বন্ধুত্ব হৈছিল এজন ১৭ বছৰীয়া কিশোৰৰ সৈতে। কিন্তু তাৰ পিছত যে এনে ভয়ংকৰ পৰিণতি হ’ব, সেয়া কিশোৰীগৰাকীয়ে কল্পনাই কৰিব পৰা নাছিল।

বন্ধুত্বৰ সুযোগ লৈ কিশোৰীগৰাকীক অন্য কাম দিয়াৰ লোভ দেখুৱাই নিজৰ ঠাইলৈ মাতি দিয়ে ১৭ বছৰীয়া কিশোৰে। আৰু তাৰ পিছতে চাৰি বন্ধৰ সৈতে মিলি দলবদ্ধ ধৰ্ষণ কৰে।

লজ্জাজনক ঘটনাতো সংঘটিত হৈছে ৰাজধানী দিল্লীত। কিশোৰীগৰাকীয়ে আৰক্ষী চকীত উপস্থিত হৈ সমগ্ৰ ঘটনাৰ বিষয়ে জনাইছে। 

ইতিমধ্যে আৰক্ষীয়ে তিনিজনক গ্ৰেপ্তাৰ কৰিছে। কিশোৰীগৰাকীক এতিয়া চিকিত্‍সালয়ত ভৰ্তি কৰোৱা হৈছে। ধৃত তিনিজন যুৱকৰ ভিতৰত দুজনৰ নাম হ’ল শিভম আৰু হৰিশংকৰ। ঘৰ উত্তৰ প্ৰদেশত। 

কিশোৰীগৰাকীয়ে জনাইছে যে,  চাৰি মাহ ধৰি সেই এলেকাত কাম কৰি আছিল কিশোৰীগৰাকীয়ে। আৰু তাতেই চিনাকী হৈছিল কিশোৰজনৰ সৈতে।  কিন্তু এমাহ পূৰ্বে সেই কাম এৰি দিয়ে দুৰ্ভগীয়া কিশোৰীগৰাকীয়ে। তাৰ পিছত শনিবাৰে কিশোৰজনে যি ঠাইত কাম কৰে, সেই ঠাইতে কামৰ সুবিধা দিয়াৰ আশা দেখুৱাই কিশোৰীগৰাকীক মাতি দিয়ে। আৰু তাৰ পিছত তিনি বন্ধু সৈতে মিলি দলবদ্ধ ধৰ্ষণ কৰে।

আৰক্ষীৰ ফালৰ পৰা জনোৱা মতে, ধৃত চাৰি ধৰ্ষকৰ বিৰুদ্ধে পকচ’ আইনৰ অধীনত গোচৰ ৰুজু কৰা হৈছে। ঘটনাৰ তদন্ত কৰিছে  গ্ৰেটাৰ কৈলাশ থানাৰ আৰক্ষীয়ে।