বিচনাত প্ৰস্ৰাব কৰাই অপৰাধ! ৯ বছৰীয়া শিশুৰ যৌনাংগত গৰম ৰ'ড লগাই দিলে পিতৃ-মাতৃয়ে

সন্তান, পিতৃ-মাতৃৰ কাষত থকা মানে, সম্পূৰ্ণ সুৰক্ষিত হৈ থকা!  কিন্তু এইবাৰ তেনে এক পিতৃ-মাতৃৰেই চৰম শাৰীৰিক নিৰ্যাতনৰ সন্মুখীন হ'ল এটি সন্তান।

সংঘটিত হৈছে ভয়ংকৰ ঘটনা। পিতৃ-মাতৃয়ে সন্তানক যি শাস্তি দিলে, সেয়া সঁচাকৈ কল্পনাই কৰিব নোৱাৰি।

ঘটনাটো সংঘটিত হৈছে মহাৰাষ্ট্ৰত। য়াগেল এষ্টেট এলেকাৰ পৰা যোৱা দেওবাৰে আৰক্ষীয়ে গ্ৰেপ্তাৰ কৰে  দম্পত্তিটোক।

আৰক্ষীয়ে জনোৱা মতে, শিশুটিৰ দেউতাক আৰু তেওঁৰ দ্বিতীয়গৰাকী পত্নী লগ হৈ শিশুটিৰ ওপৰত অকথ্য নিৰ্যাতন চলাইছিল।

শিশুটিৰ অপৰাধ আছিল বিচনাত প্ৰস্ৰাব কৰা। বাৰে বাৰে সাৱধান কৰি থকাৰ পিছতো বিচনাত প্ৰস্ৰাব কৰাত শিশুটিৰ ওপৰত অকথ্য শাৰীৰিক নিৰ্যাতন চলাইছিল দেউতাক আৰু মাহী মাকে। আনকি নাবালকৰ যৌনাংগত লগাই দিছিল গৰম ৰ'ড।

সমগ্ৰ ঘটনাটো শিশুটিৰ প্ৰকৃত মাতৃৰ পৰা আৰক্ষীয়ে জানিব পাৰে। মহিলাগৰাকীয়ে দাখিল কৰে এজাহাৰ। আৰু ইয়াৰ পিছতে গ্ৰেপ্তাৰ কৰা হয় দুই অভিযুক্তক।