সুশান্ত সিং ৰাজপুতৰ মৃত্যু তদন্তত শেহতীয়াকৈ সোমাই পৰিছে ড্ৰাগছৰ প্ৰসংগ। ড্ৰাগছ চক্ৰৰ সৈতে জড়িত থকাৰ অভিযোগত সুশান্তৰ প্ৰেমিকা ৰিয়া চক্ৰৱৰ্তীক গ্ৰেপ্তাৰ কৰা হৈছে। তাৰ পিছতে সাঙোৰ খাই পৰিছে বহু বলীউদ তাৰকাৰ নাম। ইয়াৰ ভিতৰত আছে ছাৰা আলী খানৰ নামো। ছাৰা–সুশান্তৰ প্ৰেমৰ কাহিনীয়ে পূৰ্বেও দখল কৰিছিল শিৰোনাম। আৰু সেই প্ৰেম কাহিনীৰ আলম লৈয়ে চিবিআয়ে জানিব বিচাৰিছে ছাৰা কিমানদূৰ জড়িত আছিল ড্ৰাগছৰ কাৰবাৰৰ সৈতে। সেই বাবেই এইবাৰ সুশান্তৰ গাড়ী চালকক জেৰা কৰিলে চিবিআয়ে। এই জেৰাত পোহৰলৈ আহিছে কেতবোৰ গুৰুত্বপূৰ্ণ তথ্য। সুশান্তৰ গাড়ীচালকে সংবাদ মাধ্যমক জনাইছে, ছাৰাৰ সৈতে ৱাল বন্ধুত্ব আছিল সুশান্তৰ। ছাৰা আৰু সুশান্তই একেলগে বহুদিন চিনেমাৰ প্ৰমোচনৰ বাবে একেখন গাড়ীতে গৈছিল। কিন্তু ছাৰাই কেতিয়াও সুশান্তৰ ঘৰলৈ অহা নাছিল। আৰু কেতিয়াও তেওঁলোকক ড্ৰাগছ লোৱা দেখা নাই। সুশান্তৰ গাড়ী চালকে আৰু জনায়, থাইলেণ্ড ট্ৰিপৰ পৰা উভতি অহাৰ পিছত ছাৰা আৰু সুশান্তৰ তেনেদৰে যোগাযোগ নাছিল। আনকি, বিমানবন্দৰৰ পৰাও সুশান্তই অকলে গাড়ীত উঠিছিল।
