ধৰা পৰিল ৰিয়াৰ মিথ্যাচাৰ! সুশান্তৰ কল লিষ্টত পোহৰলৈ আহিল প্ৰকৃত সত্য

পিতৃৰ সৈতে সুশান্তৰ সম্পৰ্ক ভাল নহয়, বিগত ৫ বছৰে দেখা কৰা নাই সুশান্ত সিং ৰাজপুতে – News18ৰ এক সাক্ষাৎকাৰত এই দাবী কৰিছিল সুশান্তৰ প্ৰেমিকা ৰিয়া চক্ৰৱৰ্তীয়ে। কিন্তু সম্প্ৰতি পোহৰলৈ অহা সুশান্তৰ কল ৰেকৰ্ডে পোহৰলৈ আনিছে প্ৰকৃত সত্য।

একাধিক চাঞ্চল্যকৰ দাবীৰ ভিতৰত সংবাদ মাধ্যমৰ সাক্ষাৎকাৰত ৰিয়াই কৈছিল, পিতৃৰ সৈতে সুশান্তৰ সম্পৰ্ক একেবাৰে ভাল নাছিল। কিন্তু সুশান্তৰ কল লিষ্ট অনুযায়ী নিয়মিতভাৱে পিতৃৰ সৈতে কথা পাতিছিল সুশান্তই।

কল ৰেকৰ্ডৰ তথ্য অনুসৰি, মৃত্যুৰ পূৰ্বে ৬ জুনত পিতৃৰ সৈতে শেষবাৰৰ বাবে কথা পাতিছিল সুশান্তই। ৬ জুনত পিতৃৰ সৈতে ১১ মিনিট হোৱাট্ছএপ কল কৰিছিল অভিনেতাজনে। তাৰ পূৰ্বে ১৮ আৰু ১৯ মে’ত ফোন কৰিছিল পিতৃক।

News18ৰ সৈতে সাক্ষাৎকাৰতে নহয়, চিবিআই–এনচিবিৰ জেৰাতো ৰিয়াই দাবী কৰিছে, সুশান্তৰ সৈতে পিতৃৰ সম্পৰ্ক ভাল নাছিল। মই অহাৰ পূৰ্বে সুশান্তই ৫ বছৰ পিতৃক দেখা কৰা নৈছিল। তেওঁৰ মাতৃৰ মৃত্যুৰ পিছত পিতৃয়ে সন্তানৰ পৰা আঁতৰি গৈছিল। সুশান্ত মাকৰ অতি আপোন আছিল। মাকৰ বাবে দুখ পাইছিল। কিন্তু এতিয়া কল ৰেকৰ্ডৰ তথ্য পোহৰলৈ অহাত প্ৰশ্ন উঠিছে যে তদন্তকাৰী বিষয়াক মিছা কথা কৈছিল নেকি ৰিয়াই?