ৰিয়াৰ সৈতে নিষিদ্ধ মাদক দ্ৰব্য লেনদেন কৰিছিল বলীউদৰ এইজন অভিনেতাই, ফাদিল কৰিলে চিবিআয়ে

ৰিয়া চক্ৰৱৰ্তীৰ বিৰুদ্ধে ফৌজদাৰী গোচৰ ৰুজু কৰিছে নাৰ্ক’টিকছ কন্ট্র’ল ব্যূৰ’ই। ইয়াৰ মাজতে পোহৰলৈ আহিছে আন এক চাঞ্চল্যকৰ তথ্য। ৰিপ’ৰ্টত প্ৰকাশ, টেলিভিছন অভিনেতা সুভেদ লোহিয়াৰ সৈতে ৰিয়া চক্ৰৱৰ্তীৰ মাদক দ্ৰব্য সংক্ৰান্তীয় বিষয়ত লেনদেন হৈছে।

সুশান্ত সিং ৰাজপুতৰ মৃত্যুৰ ঘটনাত ড্ৰাগছ বা নিষিদ্ধ মাদক দ্ৰব্য সৰবৰাহ চক্ৰৰ গোন্ধ পাইছে ইডিয়ে! পোহৰলৈ আহিছে কিছু হোৱাট্ছএপ মেছেজ। সেইসমূহ আদান–প্ৰদান হৈছিল ৰিয়া চক্ৰৱৰ্তী, সুশান্তৰ হাউছ মেনেজাৰ ছেমুৱেল মিৰাণ্ডা, জয়া সাহা আৰু গোৱাৰ হোটেল ব্যৱসায়ী গৌৰৱ আচাৰ্যৰ মাজত। সেই চাটসমূহত মাৰিজুৱানা, এমডিএমএ, সিবিডি ৱালৰ দৰে বিভিন্ন নিষিদ্ধ মাদক দ্ৰৱ্যৰ নাম উল্লেখ আছিল। লগতে ৰিয়া আৰু ভাতৃ সৌভিকৰ মাজত কিছু মেছেজ বিনিময় হৈছিল য’ত সাংকেতিক ভাষা প্ৰয়োগ কৰা হৈছিল।

সোমবাৰে ডিআৰডিঅ’ গেষ্ট হাউছত ৰিয়া চক্ৰৱৰ্তীৰ লগতে সুভেদ লোহিয়া, সিদ্ধাৰ্থ পিথানী, নীৰজ সিং, গাড়ী চালক ৰজ্জাকসহ আৰু দুজনক সোধা–পোছা কৰে চিবিআয়ে।

অভিযোগ উঠিছে, টেলিভিছন অভিনেতা সুভেদ আৰু গোৱাৰ হোটেল ব্যৱসায়ী গৌৰৱ আচাৰ্যৰ সৈতে ৰিয়া চক্ৰৱৰ্তীৰ মাদক দ্ৰব্যৰ লেনদেন হয়। সুভেদ লোহিয়া আৰু ৰিয়াৰ যোগেদি মাদক দ্ৰব্য সৰবৰাহকাৰীসকলৰ সৈতে বলীউদৰ তাৰকাৰ কোনো যোগাযোগ গঢ়ি উঠিছিলনে নাই সেয়া তদন্ত কৰি আছে চিবিআয়ে।

২৬ আগষ্টত NDPS (Narcotic Drugs and Psychotropic Substances) এক্টৰ ছেকচন ২০,২২,২৭ আৰু ২৯ ধাৰাত গোচৰ ৰুজু কৰে এন চি বিয়ে। ইতিমধ্যে এই গোচৰত নাম আছে ৰিয়া চক্ৰৱৰ্তী আৰু তেওঁৰ ভাতৃ শৌভিকৰ। এইবাৰ এনবিচিয়ে ৰিয়া চক্ৰৱৰ্তীৰ বিৰুদ্ধে ফৌজদাৰী গোচৰ ৰুজু কৰিছে।