KK passes away| KK's love life: ষষ্ঠ শ্ৰেণীৰ পৰাই প্ৰেম! সেই প্ৰেমিকাকেই জীৱন সংগী কৰিছিল KKয়ে! মৃত্যুত 'বন্ধু-হাৰা' হ'ল পত্নী জ্যোতি

জনপ্ৰিয় সংগীত শিল্পী কেকেৰ মঙলবাৰে নিশা মৃত্যু হয়৷ কেকেৰ সম্পূৰ্ণ নাম কৃষ্ণকুমাৰ কুন্নাথ৷ দক্ষিণত জন্মগ্ৰহণ কৰা কেকে দিল্লীত ডাঙৰ-দীঘল হৈছিল। তেওঁৰ প্ৰথম এলবাম পল। যিয়ে তেওঁক জনপ্ৰিয়তাৰ শীৰ্ষলৈ লৈ গৈছিল। হাম ৰহে জা না ৰহে, য়াৰো দোস্তি গানবোৰে শ্ৰুতাৰ হৃদয়ত এক নতুন জোৱাৰৰ সৃষ্টি কৰিছিল। ৯০ দশকৰ পৰা মৃত্যুৰ আগলৈকে গীতেৰে অনুৰাগীক মোহাচন্ন কৰি ৰাখিছিল কেকেই।

বন্ধুত্ব হওক বা প্ৰেমেই হওক, 'পল'ৰ গীত নিজৰ পত্নীলৈ ডেডিকেট কৰিছিল জনপ্ৰিয় শিল্পীগৰাকীয়ে। এটা জনপ্ৰিয় লাফটাৰ শ্ব'ত এই কথা স্বীকাৰ কৰিছিল কেকে নিজে৷ তেওঁ কৈছিল যে, ষষ্ঠ শ্ৰেণীৰ পৰা তেওঁলোকৰ মাজত থকা বন্ধুত্ব এদিন প্ৰেমলৈ ৰূপান্তৰিত হৈছিল। কেকেৰ পত্নীৰ নাম জ্যোতি লক্ষ্মী কৃষ্ণ৷

কেকে দিল্লীৰ মাউণ্ট ছেইণ্ট মেৰী স্কুলত পঢ়িছিল৷ তেওঁ দিল্লী বিশ্ববিদ্যালয়ৰ কিৰোৰী মাল কলেজৰ পৰা বাণিজ্য বিভাগত স্নাতক ডিগ্ৰী লাভ কৰিছিল৷ তেওঁ দ্বিতীয় শ্ৰেণীৰ পৰা মঞ্চত গান গাবলৈ আৰম্ভ কৰিছিল। তেওঁ কিশোৰ কুমাৰ আৰু ৰাহুল দেৱ বৰ্মনৰ অনুৰাগী আছিল৷ জানিব পৰা গৈছে যে কলেজত তেওঁ প্ৰায়ে 'শোলে' বোলছবিৰ 'মেহবুবা' গানটো গাইছিল৷ হিন্দীৰ উপৰিও, কেকে-য়ে তামিল, তেলেগু, কানাড়া, মালায়ালম, মাৰাঠী, বাংলা আৰু গুজৰাটী চলচ্চিত্ৰত গান গাইছে।

কেকে য়ে ১৯৯১ চনত শৈশৱৰ বান্ধৱী জ্যোতিক বিয়া কৰায়৷ বিয়াৰ আগতে তেওঁলোকক চাকৰিৰ প্ৰয়োজন আছিল৷ কে কে য়ে সংগীতৰ জগতত নিজকে প্ৰতিষ্ঠা কৰিব নোৱাৰিলে৷ গতিকে আৰম্ভণিতে তেওঁ হোটেল উদ্যোগত আঠ মাহ বিক্ৰেতা হিচাপে কাম কৰিছিল৷

কেকে আৰু জ্যোতিৰ দুটি সন্তান। নাম নকুল কৃষ্ণ কুন্নথ আৰু জীয়ৰীৰ নাম তমাৰা।

পিছত কেকে-য়ে চাকৰি এৰি সংগীতত মনোনিবেশ কৰিবলৈ আৰম্ভ কৰিলে। শিবানী কাশ্যপ নামৰ এগৰাকী বন্ধুয়ে চাইবাল বসুৰ সৈতে জিংগল বনাবলৈ আৰম্ভ কৰিছিল। আৰু সেই কাম কৰি কিছু টকা উপাৰ্জন কৰিবলৈ আৰম্ভ কৰিলে। পিছত দিল্লীৰ পৰা মুম্বাইলৈ যাত্ৰা আৰম্ভ হল।

কেকে আৰু তেওঁৰ পত্নী জ্যোতি

কেকেৰ মৃত্যু পিছত পত্নী জ্যোতি কলকাতালৈ আহিছে৷ নিউ মাৰ্কেট আৰক্ষী থানাত ৰুজু কৰিছে গোচৰ।