পঞ্চতাৰকা হোটেলত অনাময় কৰ্মীৰ সৈতে নিজৰ জন্মদিন পাতিলে বিধায়কে, একেলগে গ্ৰহণ কৰিলে দুপৰীয়াৰ আহাৰ
পুডুচেৰী কেন্দ্ৰীয় শাসিত অঞ্চলৰ মুদলিয়াৰপেটৰ ডি এম কে বিধায়ক সম্পাথে তেওঁৰ জন্মদিন উপলক্ষে কুড্ডালোৰ ৰোডৰ এখন পাঁচ তাৰকাযুক্ত হোটেলত ১২৭ জন অনাময় কৰ্মীৰ সৈতে দুপৰীয়াৰ আহাৰ গ্ৰহণৰ অনুষ্ঠান আয়োজন কৰে।
সম্পাথ, পুডুচেৰীৰ মুদলিয়াৰপেটৰ পৰা ডি এম কেৰ বিধায়ক। যোৱা বুধবাৰে (১৫-৩-২০২৩) তেওঁৰ জন্মদিন আছিল। বিধানসভাৰ অধ্যক্ষৰ পৰা বিষয়াসকললৈকে সকলোৱে বিধায়ক সম্পাথক অভিনন্দন জনায়। বিধানসভাৰ অনুষ্ঠান শেষ কৰি তেওঁ পোনে পোনে কুড্ডালোৰ ৰোডৰ এখন পঞ্চতাৰকা হোটেললৈ যায় আৰু তাত ২০০ গৰাকী অনাময় কৰ্মীৰ সৈতে দুপৰীয়াৰ আহাৰ গ্ৰহণ কৰে।
বিধায়ক সম্পাথে সাংবাদিকৰ আগত উল্লেখ কৰে যে তেওঁ Covid-19ৰ সময়ছোৱাত অনাময় কৰ্মীসকলে আগবঢ়োৱা অৱদানক স্বীকৃতি দিবলৈ এই অভ্যৰ্থনা অনুষ্ঠানৰ আয়োজন কৰিছিল। আনহাতে, অনাময় কৰ্মীসকলে এই অভ্যৰ্থনা অনুষ্ঠানৰ বাবে বিধায়ক সম্পথক আন্তৰিক ধন্যবাদ জ্ঞাপন কৰে। "আমি জীৱনত কেতিয়াও ইমান বিলাসী পঞ্চতাৰকা হোটেলৰ ভিতৰ দেখা নাছিলোঁ। আমি বিধায়কগৰাকীৰ এই প্ৰচেষ্টাৰ শলাগ লৈছো।" বুলি এগৰাকী অনাময় কৰ্মীয়ে এইদৰে কয়।
উল্লেখযোগ্য যে, অনাময় কৰ্মীক বহুতে সন্মান নকৰে। কৰ'না কালত তেওঁলোকৰ কাম অপৰিসীম। বিধায়ক সম্পাথে কয় যে তেওঁলোকৰ সন্মানত এই দুপৰীয়াৰ আহাৰ গ্ৰহণ কৰাটো আনন্দৰ কথা। চাফাই কৰ্মীসকলে নিজৰ সন্তানকো এনে এখন হোটেললৈ অনা নাছিল বুলি উল্লেখ কৰি বিধায়কগৰাকীয়ে জন্মদিনত দুপৰীয়াৰ আহাৰ গ্ৰহণ কৰাত তেওঁলোক সুখী বুলি কয়।
