দীপিকা-ৰিয়া-ছাৰাৰ Whats App Chat পোহৰলৈ! Whats Appৰ  ‘end-to-end encryption’ৰ সুৰক্ষাকলৈ উঠিছে প্ৰশ্ন

ড্ৰাগছ কাণ্ডত নাম সাঙোৰ খাইছে বলীউদৰ প্ৰথম শাৰীৰ অভিনেতা-অভিনেত্ৰীৰ। উঠিছে ভয়ংকৰ অভিযোগ, পোহৰলৈ আহিছে বিস্ফোৰক তথ্য। অভিনেতা-অভিনেত্ৰীয়ে যে ৰিয়েল লাইফত এনেবোৰ কাম কৰিব, সেয়া হয়টো কোনেও কল্পনাই কৰিব পৰা নাছিল।

যিমানেই সময় বাগৰিছে, সিমানেই পোহৰলৈ নতুন নতুন তথ্য। তথ্য পোহৰলৈ অহাৰ অন্যতম কাৰণ হৈছে Whats App Chat। যাৰ পৰা বহু গুৰুত্বপূৰ্ণ তথ্য সংগ্ৰহ কৰা হৈছে।

এতিয়া প্ৰশ্ন উঠিছে Whats Appৰ  ‘end-to-end encryption’ৰ সুৰক্ষাকলৈও। Whats Appয়ে দাবী কৰে যে, তেওঁলোকৰ প্লেটফৰ্ম সম্পূৰ্ণ সুৰক্ষিত। 

কিন্তু তেতিয়া হ’লে অভিনেতা-অভিনেত্ৰীৰ Whats App Chat কিদৰে ভাইৰেল হৈ পৰিল? Whats Appৰ তৰফৰ পৰা এই সন্দৰ্ভত উত্তৰ দিয়া হৈছে। বিশ্বৰ জনপ্ৰিয় মেছেজিং এপৰ তৰফৰ পৰা জনোৱা হৈছে যে, তেওঁলোকৰ সুৰক্ষা ব্যৱস্থা সম্পূৰ্ণ নিৰাপদ।   

আচলতে  Whats App সকলো সময়তে ফোন নম্বৰৰ সহায়ত চলি থাকে। এই এপত প্ৰেৰক আৰু গ্ৰাহকক বাদ দি তৃতীয় ব্যক্তিৰ প্ৰৱেশ নিষিদ্ধ।  কিন্তু টেক্স মেছেজৰ ওপৰত Whats Appৰ কোনো নিয়ন্ত্ৰণ নাই। ইয়াৰ উপৰিও বহুতে Whats Appৰ মেছেজ ক্লাউড বা গুগ’ল ড্ৰাইভত বেকআপ  হিচাপে ৰাখে। ইয়াৰ পৰা মেছেজ পুনৰুদ্ধাৰ কৰা সম্ভৱ। কিন্তু ইয়াত Whats Appৰ কোনো ভূমিকা নাথাকে।

ইয়াৰ উপৰিও তদন্তকাৰী সংস্থাই গ্ৰাহকজনৰ ফোনৰ সহায়ত অন্য ফোনত ক্লোন তৈয়াৰ কৰিব পাৰে। আৰু ইয়াৰ ফলত গ্ৰাহকজনৰ Whats App  'mirror image' ৰ সহায়ত চলাব পাৰি। আৰু ইয়াৰ পৰাই  আনকি ডিলিট কৰা মেছেজো পুনৰুদ্ধাৰ কৰা সম্ভৱ।