প্ৰধানমন্ত্ৰী নৰেন্দ্ৰ মোদীয়ে ল’লে কোৰোণা ভেকচিনৰ দ্বিতীয়টো পালি। প্ৰথমটো ড’জৰ ৩৭ দিন পিছত দ্বিতীয়টো ড’জ ল’লে প্ৰধানমন্ত্ৰীয়ে। মোদীয়ে সমগ্ৰ দেশবাসীক আহ্বান জনায় যিসকলে ভেকচিন লাভ কৰে সকলোৱে লওক। Photo Courtesy- Narendra Modi/Twitter
সমগ্ৰ দেশত যেতিয়া ভেকচিন দিয়াৰ কাম আৰম্ভ হয় তেতিয়া ১ মাৰ্চত নৰেন্দ্ৰ মোদীয়ে প্ৰথম ব্যক্তি হিচাপে কোৰোণা ভেকচিন লৈছিল। নিজৰ ভেকচিন লোৱাৰ ফটো নিজেই টুইট কৰি প্ৰধানমন্ত্ৰীয়ে জনাইছিল যে এই মাৰাত্মক ভাইৰাছক পৰাজিত কৰাৰ এটাই পথ হ’ল নিজৰ টিকাকৰণ কৰা।
নিজৰ টুইটত প্ৰধানমন্ত্ৰীয়ে লিখিছে, "Got my second dose of the COVID-19 vaccine at AIIMS today. Vaccination is among the few ways we have, to defeat the virus. If you are eligible for the vaccine, get your shot soon," – অৰ্থাৎ আজি এইমছত নিজৰ কোভিড–১৯ ভেকচিনৰ দ্বিতীয় পালি পালো। এই ভাইৰাছক পৰাজিত কৰাৰ বহু উপায়ৰ মাজত ভেকচিন অন্যতম। আপুনি যদি ফেকচিন পোৱাৰ যোগ্যতা লাভ কৰিছে তেন্তে ভেকচিন গ্ৰহণ কৰক।’’
প্ৰধানমন্ত্ৰীয়ে দেশত প্ৰস্তুত হোৱা ভেকচিন লৈছে যিটো ভাৰত বায়’টেক আৰু ইণ্ডিয়ান কাউন্সিল অব মেডিকেল ৰিছাৰ্চে প্ৰস্তুত কৰিছে। বহুতেই যিটোক লৈ চিন্তা ব্যক্ত কৰিছে কাৰণ ই ক্লিনিকেল ট্ৰায়েল পৰ্যায়ত আছিল। ভেকচিন লোৱাৰ সময়তো মোদীৰ মুখত দেখা গৈছিল মাস্ক।
