তিনিদিন ধৰি পেট্ৰ’লৰ দামৰ কোনো সালসলনি ঘটোৱা নাই তেল কোম্পানীসমূহে। কেইবাদিনো পিছত বৃহস্পতিবাৰে ডিজেলৰ দাম ১৬ পইচা প্ৰতিলিটাৰত হ্ৰাস কৰাৰ সিদ্ধান্ত লোৱা হয়। বিগত ১৭ দিনত পেট্ৰ’লৰ দাম বৃদ্ধি পাইছে ১.৬৫ টকা।
জুলাই মাহত কেবল ডিজেলৰ দাম বৃদ্ধি কৰিছিল তেল কোম্পানীসমূহে। সমগ্ৰ জুলাই মাহটোত পেট্ৰ’লৰ দামৰ কোনো সালসলনি হোৱা নাছিল। জুলাই মাহত ১০ বাৰ দাম বৃদ্ধি হৈছিল ডিজেলৰ। প্ৰতিলিটাৰত বৃদ্ধি পাইছিল ১.৬০ টকা।
আন্তঃৰাষ্ট্রীয় বজাৰত পেট্ৰ’ল আৰু ডিজেলৰ দাম বৃদ্ধিৰ প্ৰভাৱ দেশত পোনপটীয়াভাৱে পৰে। সাধাৰণতে আন্তঃৰাষ্ট্রীয় বজাৰত অপৰিশোধিত তেলৰ দাম আৰু ডলাৰৰ তুলনাত টকাৰ মূল্যৰ ওপৰত নিৰ্ভৰ কৰে পেট্ৰ’ল আৰু ডিজেলৰ দাম।
চাওক আজি কোনখন চহৰত পেট্ৰ’ল আৰু ডিজেলৰ দাম কিমান। * গুৱাহাটী : পেট্ৰ’ল – ৮৫.৭২ টকা, ডিজেল – ৭৯.৬৯ টকা, * দিল্লী : পেট্ৰ’ল – ৮২.০৮ টকা, ডিজেল – ৭৩.৪০ টকা, * মুম্বাই : পেট্ৰ’ল – ৮৮.৭৩ টকা, ডিজেল – ৭৯.৯৪ টকা, * কলকাতা : পেট্ৰ’ল – ৮৩.৫৭ টকা, ডিজেল – ৭৬.৯০ টকা, * নয়দা : পেট্ৰ’ল – ৮২.৩৬ টকা, ডিজেল – ৭৩.৭২ টকা, * লক্ষ্ণৌ : পেট্ৰ’ল – ৮২.২৬ টকা, ডিজেল – ৭৩.৬২ টকা, * পাটনা : পেট্ৰ’ল – ৮৪.৬৪ টকা, ডিজেল – ৭৮.৫৯ টকা, * জয়পুৰ : পেট্ৰ’ল – ৮৯.২৯ টকা, ডিজেল ৮২.৪৫ টকা।
