ভয়ংকৰ! হিন্দু আৰু খ্ৰীষ্টান যুৱতীক জোৰ কৰি যৌনকৰ্মী সঁজাই চীনলৈ পঠিয়াইছে পাকিস্তানে

হিন্দু আৰু খ্ৰীষ্টান মহিলাক চীনৰ নাগৰিকলৈ জোৰ কৰি বিয়া দিয়া হৈছে! ইমানতেই শেষ নহয়, হিন্দু আৰু খ্ৰীষ্টান মহিলাক চীনলৈ যৌনকৰ্মী হিচাপে পঠিওৱাৰ গুৰুতৰ অভিযোগ পাকিস্তানৰ বিৰুদ্ধে।

পাকিস্তানত সংখ্যালঘুৰ ওপৰত চলে অকথ্য নিৰ্যাতন। জোৰ কৰি দখল কৰা হয় হিন্দু আৰু খ্ৰীষ্টান ধৰ্মীয় লোকৰ সম্পত্তি। মহিলাক ধৰ্ষণ, অপহৰণ কৰে। প্ৰতিদিনাই সংঘটিত হৈছে এই ঘটনা।

সম্প্ৰতি মাৰ্কিন বিষয়াৰ এক ৰিপৰ্টত  প্ৰকাশ পাইছে এই চাঞ্চল্যকৰ তথ্য। ঘটনা পোহৰলৈ অহাৰ পিছতে আৰম্ভ হৈছে বিতৰ্ক।

এই ৰিপৰ্ট এতিয়া হোৱাইট হাউচত জমা কৰিছে ইউএছ এম্বেচাদৰ আট লাৰ্জ ফৰ ইণ্টাৰনেশ্যনেল ৰিলিজিয়াচ ফ্ৰীডম চ্যেমুৱেল ডি ব্ৰাউনব্যাকে। অভিযোগ অনুসৰি, চীনৰ প্ৰভাৱশালী নাগৰিকক সন্তুষ্ট কৰাৰ বাবে পাক অধিকৃত কাশ্মীৰৰ হিন্দু-খ্ৰীষ্টান যুৱতীক যৌনকৰ্মী হিচাপে পঠিয়াইছে পাকিস্তানে। 

চ্যেমুৱেল ডি ব্ৰাউনব্যাকে জনাই যে, ইমৰাণ খান চৰকাৰৰ সহায়ত সংখ্যালঘু সম্প্ৰদায়ৰ যুৱতীক অপহৰণ কৰা হৈছে। জোৰ কৰি পঠিওৱা হৈছে চীনলৈ। কেৱল ২০১৯ চনতেই ৬২৯ গৰাকী সংখ্যালঘু সম্প্ৰদায়ৰ যুৱতীক যৌনকৰ্মী হিচাপে চীনলৈ পঠিয়াইছে পাকিস্তানে।