৬ বছৰীয়া কন্যাৰ সন্মুখতে মাতৃক হত্যা কৰিলে ছচিয়েল মিডিয়াত চিনাকী বন্ধুৱে, ভয়ানক CCTV ফুটেজ

২৬ বছৰীয়া মহিলাক মৃত্যু মুখলৈ ঠেলি দিলে ছচিয়েল মিডিয়াৰ বন্ধুৱে। তাকো মহিলাগৰাকীৰ ৬ বছৰীয়া কন্যাৰ সন্মুখতে। মধ্যপ্ৰদেশৰ জ্ঞানশীল ছুপাৰ চিটিত সংঘটিত হৈছে এই ঘটনা।

এই সমগ্ৰ ঘটনা চিচি টিভি কেমেৰাত ৰেকৰ্ড হয়। দেখা গৈছে যে, মহিলাৰ ডিঙিৰ পৰা হোৰাহোৰে তেজ ওলাইছে আৰু দোকানৰ চিড়িত পৰি যায় প্ৰিয়া আগৰৱালা নামৰ মহিলাগৰাকী। সন্মুখতে আছিল মহিলাগৰাকীৰ কণমানি জীয়ৰী। আনহাতে মহিলাগৰাকীক আক্ৰমণ কৰি সেই ঠাইৰ পৰা পলাই যায় যুৱকজন।

ইতিমধ্যে আৰক্ষীয়ে আটক কৰিছে অভিযুক্ত যুৱকজনক। যুৱকজনে সুৰাপান কৰি আছিল সেইসময়ত।  যুৱকজনে মহিলাগৰাকীক হত্যা কৰাৰ কথা স্বীকাৰ কৰিছে। যুৱকজনে জনোৱা মতে, মহিলাগৰাকীৰ তেওঁৰ লগত সঠিক ব্যৱহাৰ কৰা নাছিল।

এএছপি ৰাজেশ ৰঘূবংশীয়ে জনাইছে যে,  প্ৰিয়াক মাতি পঠিয়াইছিল অভিযুক্ত যুৱকজনে। আৰু সেই ঠাইলৈ নিজ কন্যাৰ সৈতে আহোতে হাতত থকা চুৰীৰে আক্ৰমণ কৰে যুৱকতজনে। স্থানীয় দোকানৰ চিচি টিভি কেমেৰাত হত্যাকাণ্ডৰ সম্পূৰ্ণ ভিডিঅ 'ৰেকৰ্ডিং হৈ যায়।