চেঞ্চুৰী কোবালে পেট্ৰ’লে, দেশত ১০১ টকা প্ৰতিলিটাৰত বিক্ৰী হৈছে পেট্ৰ’ল! চাওক আপোনাৰ চহৰত কিমান দাম

চৰকাৰী তেল সংস্থাসমূহে শুকুৰবাৰেও পেট্ৰ’ল–ডিজেলৰ দামত কোনো পৰিৱৰ্তন ঘটোৱা নাই। দিল্লীত শুকুৰবাৰে ১ লিটাৰ পেট্ৰ’লৰ দাম ৮৬.৩০ টকা। পেট্ৰ’লিয়াম সংস্থাৰ ফালৰ পৰা বুধবাৰে দাম বৃদ্ধিৰ কৰাৰ ফলত একাধিক চহৰত তেলৰ দাম ৰেকৰ্ড স্তৰত উপনীত হয়। ৰাজস্থানৰ শ্ৰীগংগানগৰত পেট্ৰ’লৰ দাম ১০১ টকালৈ বৃদ্ধি পায়। মুম্বাইত প্ৰতিলিটাৰ পেট্ৰ’লৰ দাম প্ৰায় ৯৩ টকা হৈছেগৈ।

হিচাপ মতে, নতুন বছৰত ২৯ দিনত প্ৰায় ১০ দিন দাম বাঢ়িছে তেলৰ। কিন্তু ইমান কম সময়ত পেট্ৰ’লৰ দাম প্ৰায় ২.৫৯ টকা প্ৰতিলিটাৰত বৃদ্ধি পাইছে। ডিজেলৰ দাম বাঢ়িছে প্ৰতিলিটাৰত ২.৩৫ টকা।

পেট্ৰ’ল–ডিজেলৰ দাম প্ৰতিদিনে পুৱা প্ৰকাশ কৰে চৰকাৰী তেল সংস্থাসমূহে। আন্তঃৰাষ্ট্ৰীয় বজাৰত অপৰিশোধিত তেলৰ দাম আৰু ডলাৰৰ তুলনাত টকাৰ মূল্যৰ ওপৰত নিৰ্ভৰ কৰে পেট্ৰ’ল–ডিজেলৰ দাম।

চাওক কোনখন চহৰত আজি কিমান পেট্ৰ’ল–ডিজেলৰ দাম – * দিল্লী : পেট্ৰ’ল – ৮৬.৩৫ টকা, ডিজেল – ৭৬.৪৮ টকা * মুম্বাই : পেট্ৰ’ল – ৯২.৮৬ টকা, ডিজেল – ৮৩.৩০ টকা * কলকাতা : পেট্ৰ’ল – ৮৭.৬৯ টকা, ডিজেল – ৮০.০৮ টকা। * চেন্নাই : পেট্ৰ’ল – ৮৮.৮২ টকা, ডিজেল – ৮১.৭১ টকা। * বেংগালুৰু : পেট্ৰ’ল – ৮৯.২১ টকা, ডিজেল – ৮১.১০ টকা। * পাটনা : পেট্ৰ’ল – ৮৮.৭৮ টকা, ডিজেল – ৮১.৬৫ টকা।

ইফালে আজিৰ দিনটোত গুৱাহাটী মহানগৰীতো পেট্ৰ'ল- ডিজেলৰ মূল্যই আকাশ চুইছে। আজি গুৱাহাটীত প্ৰতি লিটাৰ পেট্ৰ'লৰ দাম হৈছেগৈ ৮৯.১৬ টকা। সেইদৰে ডিজেলৰ দাম প্ৰতি লিটাৰত ৮৯.১৬ টকা।