২২ কেৰেট সোণ, হীৰা–মুকুতাৰে তৈয়াৰী লেহেংগা, বিয়াত সপোনৰ পোছাকযোৰৰ বাবে এটকাও খৰচ নহ’ল নেহা কক্কৰৰ!

বিয়াত বহিল নেহা কক্কৰ। ৰোহণপ্ৰীত সিঙৰ সৈতে বহুদিন ধৰি গোপন সম্পৰ্কৰ পিছত অৱশেষত ২৪ অক্টোবৰত বিয়াত বহিল বলীউদৰ জনপ্ৰিয় গায়িকাগৰাকী।

নেহাৰ বিয়াৰ পোছাক দেখি বহুতৰে চকু কপালত উঠিছে। বহুতেই আকৌ নেহা কক্কৰৰ বিয়াৰ পোছাকৰ সৈতে অনুষ্কা, দীপিকা আৰু প্ৰিয়ংকাৰ পোছাকৰ মিল থকা বুলি ট্ৰ’ল কৰিবলৈ আৰম্ভ কৰিছে।

অৱশ্যে এই ট্ৰ’লক লৈ এতিয়াও মুখ খোলা নাই নেহাই। বৰং ৰোহণপ্ৰীতৰ সৈতে এটাৰ পিছত আনটো বিয়াৰ ভিডিঅ’ শ্বেয়াৰ কৰিছে ছচিয়েল মিডিয়াত।

সম্প্ৰতি নেহাই ইনষ্টাগ্ৰামত লিখিলে, বিয়াত পিন্ধা সপোনৰ লেহেংগাৰ বাবে এটকাও খৰচ হোৱা নাই। এই লেহেংগা নেহাক উপহাৰ হিচাপে দিছে জনপ্ৰিয় ডিজাইনাৰ সব্যসাচী মুখাৰ্জীয়ে। নেহাই ইনষ্টাগ্ৰামত পোষ্ট কৰি লিখিছে, ‘সব্যসাচীৰ লেহেংগা পিন্ধাটো বহুতৰ বাবে সপোন। সেই সপোন যে এইদৰে বাস্তব হ’ব ভাবিবই পৰা নাছিলো। খোদ সব্যসাচীয়ে নিজেই মোক এই উপহাৰ দিছে। জীৱনত কিবা এটা ভাল কৰাৰ বাবেই আজি এনেকুৱা এটা উপহাৰ পালো। ভগৱানক ধন্যবাদ।’

নেহাৰ এই লেহেংগা হীৰাৰ টুকুৰা, মণি–মুকুতা খটোৱা। ২২ কেৰেট সোণেৰে সজোৱা হৈছে এই লেহেংগা।