সুশান্ত সিং ৰাজপুতৰ মৃত্যু তদন্তত নতুন মোৰ সৃষ্টি কৰিছে ৰিয়া চক্ৰৱৰ্তী আৰু ৰিয়াৰ ভাতৃ শৌভিক চক্ৰৱৰ্তীৰ ড্ৰাগছ মাফিয়াৰ সৈতে যোগা়োগৰ ঘটনাই। ইতিমধ্যে এই অভিযোগত গ্ৰেপ্তাৰ হৈছে ৰিয়াৰ ভাতৃ শৌভিক। আটক কৰা হৈছে সুশান্তৰ পৰিচাৰক দীপেশক। দীপেশৰ জেৰাত পোহৰলৈ আহিছে কেতবোৰ চাঞ্চল্যকৰ তথ্য। সূত্ৰ অনুসৰি, এনচিবিৰ জেৰাত দীপেশে কৈছে, ৰিয়া চক্ৰৱৰ্তী বেআইনীভাৱে ড্ৰাগছৰ ব্যৱসায়ত জড়িত আছিল। এই কথা কেৱল দীপেশেই নহয়, ইয়াৰ পূৰ্বে আৰক্ষীক জনাইছিল সুশান্তৰ মেনেজাৰ ছেমুৱেল মিৰাণ্ডায়ো। জেৰাত লাভ কৰা তথ্য আৰু আন সূত্ৰৰ পৰা পোৱা তথ্যৰ ওপৰত ভিত্তি কৰি দেওবাৰে পুৱা ৬.৩০ বজাত ৰিয়াৰ বাসগৃহত উপস্থিত হয় এনচিবিৰ বিষয়া। ৰিয়াক সোধা–পোছাও কৰা হ’ব বুলি জানিব পৰা গৈছে। সূত্ৰ অনুসৰি, ৰিয়াৰ ঘৰৰ পৰা কেতবোৰ উল্লেখযোগ্য তথ্য পোৱা গৈছে, তাৰ ওপৰত ভিত্তি কৰি ৰিয়াক আটক ৰৰা হ’ব পাৰে।
