অৱশেষত শ্বাহৰুখ খানৰ পুত্ৰ আৰিয়ান খানক ক্লিনশ্বীট দিলে নাৰ্ক’টিক্স কন্ট্ৰ’ল ব্যূৰ’ই। মুম্বাইৰ ক্ৰুজত হাই প্ৰফাইল ড্ৰাগছ গোচৰত নাম সাঙোৰ খাইছিল শ্বাহৰুখ খানৰ পুত্ৰৰ। আনকি আৰ্থাৰ ৰোড জে’লতো থাকিবলগীয়া হয় আৰিয়ান। বিলাসবহুল ক্ৰুজত আনসকলৰ সৈতে ড্ৰাগছ সেৱন কৰাৰ অভিযোগ উঠিছিল আৰিয়ানৰ বিৰুদ্ধে। তেওঁক এনচিবিৰ বিষয়াই জেৰা কৰাত সন্তোষজনক উত্তৰ নাপাই গ্ৰেপ্তাৰ কৰিছিল। আৰিয়ান খানৰ গ্ৰেপ্তাৰ আৰু তেওঁ কাৰাবন্দী হৈ থকা সময়ত ৰাজনৈতিক পানীও ঘোলা হয়। প্ৰমাণৰ অভাৱত ৬জনৰ বিৰুদ্ধে কোনো অভিযোগ দাখিল কৰা সম্ভৱ নহ’ল। কিন্তু বাকী ১৪ জনৰ বিৰুদ্ধে নাম আছে চাৰ্জশ্বীটত। ফাইনেল চাৰ্জশ্বীট তৈয়াৰ কৰিছে এনচিবিয়ে। ইতিমধ্যে এই ঘটনাৰ চাৰ্জশ্বীট জমা দিয়াৰ সময়সীমা শেষ হৈ আহিছে। ২৯ মে’ৰ ভিতৰত সেয়া জমা দিব লাগিব। এই ফাইনেল চাৰ্জশ্বীটত নাম নাই আৰিয়ান খানৰ। তাত জনোৱা হৈছে যে আৰিয়ান আৰু মোহকক মুক্তি দিয়া হৈছে, কাৰণ তেওঁলোকৰ বিৰুদ্ধে ড্ৰাগছ েৱনৰ কোনো প্ৰমাণ পোৱা নাই।
