মোবাইল ডাটা শেষ কৰিছিল ভায়েকে। সেই খঙতে চুৰীৰে আঘাত কৰি নিজ ভাতৃক হত্যা কৰিলে ককায়েকে। বুধবাৰৰ এই চাঞ্চল্যকৰ ঘটনা ৰাজস্থানৰ যোধপুৰৰ। সংবাদ সংস্থা পিটিআইৰ খবৰ অনুসৰি, ২৩ বছৰীয়া যুৱকজনক ৰক্তাক্ত অৱস্থাত ঘৰৰ চাদত পৰি থকা পৰিয়ালৰ লোকে দেখা পায়। লগে লগে হাস্পতাললৈ লৈ যোৱা হয় যদিও চিকিত্সকে মৃত ঘোষণা কৰে। ভাতৃক চুৰীৰে আঘাত কৰি ঘৰৰ পৰা পলাই যায় অভিযুক্ত যুৱকজন। কিন্তু ৰে’লত উঠাৰ আগতেই শুকুৰবাৰে ৰে’ল ষ্টেচনৰ পৰা আৰক্ষীয়ে অভিযুক্ত যুৱকজনক গ্ৰেপ্তাৰ কৰে। আৰক্ষীয়ে জনাইছে যে, যোৱা বুধবাৰে সন্ধিয়া ৰয় নামৰ নিজৰ ভাতৃক ছাদৰ ওপৰলৈ মাতে ৰমনে। তাৰ পিছতে মোবাইলৰ সমস্ত ডাটা শেষ কৰাৰ বাবে ভাতৃক ধমক দিয়া আৰম্ভ কৰে। আৰু কথাৰ মাজতে ভাতৃক চুৰীৰে আঘাত কৰে। বুকুত চাৰিৰ পৰা পাঁচ বাৰ চুৰীৰে আঘাত কৰে। আৰু তাৰ পিছতে ঘৰৰ পৰা পলাই যায় যুৱকজন।
