দুগৰাকী পত্নীৰ সৈতে শাৰীৰিক সম্পৰ্কৰ লাইভ শ্ব’! লাখ লাখ টকা উপাৰ্জন কৰি এতিয়া জালত পৰিল যুৱক

পত্নীৰ সৈতে শাৰীৰিক সম্পৰ্ক স্থাপন কৰাৰ সময়ত বিভিন্ন এপত লাইভ  শ্ব’ কৰাৰ অভিযোগ মদ্যপ্ৰদেশৰ এজন ২৪ বছৰীয়া যুৱকৰ বিৰুদ্ধে। নিজৰ দুগৰাকী পত্নীৰ লগতেই এনে অসত্‍ কাম কৰি এতিয়া গ্ৰেপ্তাৰ হ’ল যুৱকজন।

ঘটনাটো সংঘটিত হৈছে মধ্যপ্ৰদেশৰ বিদিশাত। টকাৰ বিনিময়ত যুৱকজনে নিজৰ পত্নীৰ সৈতে শাৰীৰিক সম্পৰ্ক স্থাপন কৰাৰ সময়ত লাইভ শ্ব’ কৰাৰ অভিযোগ। আনকি যুৱকজনে এই অসত্‍ পন্থাৰে লাখ লাখ টকা উপাৰ্জন কৰা বুলিও দাবী কৰিছে আৰক্ষীয়ে।

অভিযুক্ত যুৱকজনে দুবাৰ বিয়া কৰাইছে। দ্বিতীয়গৰাকী পত্নীয়ে এই বিষয়ত আৰক্ষীক অভিযোগ দিয়াৰ পিছৰ পৰাই আৰক্ষীয়ে অনুসন্ধান কৰে বিষয়টো। এইগৰাকী যুৱতীক বিয়া কৰোৱাৰ পূৰ্বেই অসত্‍ চৰিত্ৰৰ  যুৱকজনৰ অন্য এগৰাকী পত্নী আছিল। কিন্তু সেই কথা জনা নাছিল দ্বিতীয়গৰাকী পত্নীয়ে।

আৰক্ষীয়ে জনাইছে যে, ধৃত যুৱকজন ক্লাছ ১০ পাছ যদিও টেকন’লজিৰ সৈতে অত্যন্ত সুপৰিচিত। ডেটিং এপৰ ডিজিটেল গিফ্ট কিদৰে টকালৈ ৰূপান্তৰ কৰিব পাৰিব সেয়া সহজেই পাৰিছিল যুৱকজনে। বিভিন্ন ডেটিং এপটো পঞ্জীয়ণভুক্ত আছিল যুৱকজন।

যুৱকজনৰ দ্বিতীয় পত্নীয়ে এই লাইভ শ্বৰ কথা জনা নাছিল। কিন্তু তদন্তকাৰী আৰক্ষীৰ দাবী, বিলাস বহুল জীৱনৰ স্বপ্ন দেখুৱাই এই কাম কৰিবলৈ প্ৰথমা পত্নীক ৰাজি কৰাইছিল লম্পট যুৱকজনে।বৰ্তমান প্ৰথমা পত্নী সাত মাহৰ গৰ্ভৱতী। যুৱকৰ বিৰুদ্ধে তেওঁ কোনো ধৰণৰ অভিযোগ উত্থাপিত কৰা নাই।

এই যুৱকৰ বিৰুদ্ধে ধৰ্ষণ আৰু গোপনীয়তা ভংগৰ অভিযোগ আনিছে আৰক্ষীয়ে। দ্বিতীয় পত্নীৰ অভিযোগ, গোপন ফটো প্ৰচাৰ কৰি দিয়াৰ ভয় দেখুৱাই তেওঁৰ ওপৰত শাৰীৰিক নিৰ্যাতন চলাই যুৱকজনে।

কিদৰে যুৱকজনে লাইভ শ্ব’ৰ পৰা টকা উপাৰ্জন কৰে, সেই কথা এতিয়া জানিব পাৰিছে আৰক্ষীয়ে। ১০০ টকাৰ বিনিময়ত ট্ৰেইলাৰ দেখুৱায়। তাৰ পিছত ৫০০,৭০০ আৰু ১০০০ টকাৰ বিনিময়ত  সম্পূৰ্ণ লাইভ শ্ব দেখুৱায়।

আৰক্ষীয়ে জনোৱা মতে, যোৱা মাহত ৬ লাখ টকা উপাৰ্জন কৰিছে যুৱকজনে।  দৈনিক ৪,৫ হাজাৰ টকা কৰে উপাৰ্জন।

যুৱকজনৰ প্ৰথমগৰাকী পত্নী বেংগালুৰুৰ বাসিন্দা। ছচিয়েল মিডিয়াত চিনাকী হৈ বিয়া হৈছিল যুৱকজনৰ সৈতে। কিন্তু উত্তৰ প্ৰদেশৰ বাসিন্দা দ্বিতীয়গৰাকী পত্নী প্ৰথমা পত্নীৰ সম্পূৰ্ণ বিপৰীত। এগৰাকী আধ্যাত্মিক গুৰুৰ শিষ্য দ্বিতীয়গৰাকী পত্নী।  যুৱকজনে গুৰুৰ ভক্ত বুলি পৰিচয় দি দ্বিতীয় পত্নীক  গোপনে মন্দিৰত বিয়া কৰাইছিল।