হত্যা নে দুৰ্ঘটনা? গভীৰ নিশা একেলগে কৰুণ মৃত্যুক সাৱটিলে দুগৰাকী সুন্দৰী মডেলে

কোচি চহৰৰ আৰক্ষীয়ে খবৰ লাভ কৰে যে, এজোপা গছত খুন্দা খাই গাড়ীখন একেবাৰে ভাঙি চুৰমাৰ হৈছে। গাড়ীত ৪ জন যাত্ৰী আছিল। ঘটনাস্থলীত লগে লগে উপস্থিত হয়গৈ আৰক্ষী। আহত সকলক হাস্পতালত ভৰ্তি কৰোৱা হয়। গাড়ীৰ ভিতৰতে দুগৰাকী মহিলাৰ মৃত্যু হয়। আহত হয় দুগৰাকী পুৰুষ।  গাড়ীত  যি দুগৰাকী সুন্দৰীৰ স্পট ডেড হয়, দুয়োগৰাকীয়েই আছিল কেৰালাৰ টপ মডেল।

আৰক্ষীৰ তদন্তত পোহৰলৈ আহে যে, মৃত্যু হোৱা এগৰাকী মহিলা ২০১৯ চনৰ মিছ কেৰালা অংচী কবীৰ আৰু আনগৰাকীৰ সেই প্ৰতিযোগিতাৰ ৰানাৰ আপ অঞ্জনা সঞ্জা।

মিছ কেৰালা চেম্পিয়ন অংচী কবীৰ আৰু ৰানাৰ আপ অঞ্জনা সাঞ্জা অত্যন্ত ভাল বান্ধৱী। কবীৰ পেছাত ইঞ্জিনিয়াৰ আনহাতে অঞ্জনা পেছাত চিকিৎসক আছিল।

আৰক্ষীৰ সন্দেহ নিশা দুৰ্ঘটনা সংঘটিত হোৱাৰ ফলতে মৃত্যুত সাৱটি লয় দুয়োগৰাকীয়ে।  দুৰ্ঘটনাত আহত এজন পুৰুষৰ নাম মহম্মদ আছিক কিছু দিন হাস্পতালত ভৰ্তি হৈ থকাৰ পিছত মৃত্যুৰ ওচৰত হাৰ মানে।

মডেল দুগৰাকী মৃত্যুৰ ফলত এতিয়া ৰাজ্যখনত শোকৰ ছাঁ পৰিছে।