‘মই ড্ৰাগছ নলওঁ, মাদক দ্ৰব্য সেৱনক সমৰ্থনো নকৰো’ – মুখ খুলিলে কৰণ জোহৰে

সুশান্ত সিং ৰাজপুতৰ মৃত্যুৰ পিছত বাৰে বাৰে চৰ্চালৈ আহিছে কৰণ জোহৰৰ নাম। সুশান্তক কামত নোলোৱা, মুকলিকৈ অপমান, টকশ্ব’ত সুশান্তক লৈ বাৰে বাৰে নিম্ন ৰুচিৰ মন্তব্য কৰা – এই সকলো মিলাই এতিয়া তীব্ৰ চাপত পৰিছে কৰণ জোহৰ। মুভি মাফিয়া আৰু নেপ’ কিং আখ্যাও দিয়া হৈছে।

স্বজন–তোষণৰ অভিযোগ আঁতৰ নৌহওঁতেই এইবাৰ ড্ৰাগছ বিতৰ্কত সোমা পৰিছে কৰণ জোহৰ। বলীউদৰ ড্ৰাগছ চক্ৰ ফাদিল হোৱাৰ পিছতে ভাইৰেল হয় কৰণৰ বাসগৃহত বলীউদৰ তাৰকাসকলৰ এক পাৰ্টীৰ ভিডিঅ’। যিটো দেখি সকলোৰে ধাৰণা, সেয়া ড্ৰাগছ পাৰ্টীয়ে আছিল। কাৰণ তাৰকাসকলৰ চকু–মুখৰ অভিব্যক্তি দেখি সেইটোৱে ধাৰণা হৈছিল। সেই পাৰ্টীত আছিল দীপিকা পাডুকণ, বৰুণ ধৱন, মালাইকা আৰোৰা, অৰ্জুন কাপুৰ, ভিকি কৌশল, আলিয়া ভাট, ৰণবীৰ কাপুৰসহ আৰু বহু তাৰকা।

ইয়াৰ পিছতেই ক্ষিতীশ ৰবিপ্ৰসাদ আৰু অনুভৱ চোপ্ৰাক সোধা–পোছাৰ বাবে মাতে এনচিবিয়ে। এই দুয়োজনেই ধৰ্মা প্ৰডাকচনৰ সৈতে জড়িত। ধৰ্মাৰ কাৰ্যবাহী প্ৰযোজক ক্ষিতীশক শুকুৰবাৰে নিশা জেৰা কৰে এনচিবিয়ে। তাৰ পিছতে মুখ খুলিলে কৰণ জোহৰে।

কৰণ জোহৰে কয়, তেওঁৰ বিৰুদ্ধে যি কোৱা হৈছে সেয়া মিছা আৰু ভিত্তিহীন। তেওঁ কোনোদিন ড্ৰাগছ লোৱা নাই বা মাদক দ্ৰব্য সেৱনক সমৰ্থনো নকৰে। সেয়াই নহয়, কৰণে জনায় যে এই দুজন লোকক ব্যক্তিগতভাৱে চিনিও নাপায়। তেওঁলোকৰ কাৰ্যকলাপ সম্পৰ্কে কোনো ধাৰণা নাই তেওঁৰ।