ম’বাইল ক্ষেত্ৰত দাম বৃদ্ধি কৰিছে সকলো টেলিকম সংস্থাই। এই তালিকাত আছে ৰিলায়েন্স জিঅ’ও। কিন্তু দাম বৃদ্ধি কৰাৰ লগতে গ্ৰাহকৰ কাৰণে কেতবোৰ নতুন সুবিধাও আগবঢ়াইছে জিঅ’ই।
আগতকৈ প্ৰায় ৪০শতাংশ বাঢ়িল ম’বাইলৰ খৰছ, ইয়াৰ মাজতে নতুন জিঅ’ অল–ইন ৱান অফাৰ ল’লে গ্ৰাহকে প্ৰায় ৩০০শতাংশ অতিৰিক্ত সুবিধা লাভ কৰিব।
আনলিমিটেড জিঅ’ টু জিঅ’ কল তথা ১০০০মিনিট পৰ্যন্ত জিঅ’ৰ পৰা অন্য নেটৱৰ্কলৈ কল কৰাৰ ক্ষেত্ৰত ভেলিডিটি থাকিব ৮৪দিন আৰু ৰিচাৰ্জৰ দাম বৃদ্ধি পাই হ’ল ৪৪৪টকা। এই প্লেনত অন্যান্য নেটৱৰ্কলৈ ১০০০মিনিট বিনামূলীয়া কলৰ সুবিধা পোৱাৰ লগতে এই সীমা অতিক্ৰম হ’লে ৬পইচা প্ৰতি মিনিট কলত খৰছ হ’ব। লগতে দৈনিক ২জিবি ইণ্টাৰনেট আৰু ১০০টা এছএমএছ কৰাৰ সুবিধা পাব। ২জিবি দৈনিক ডাটা শেষ হ’লে ইণ্টাৰনেট স্পীড ৬৪ কেবিপিএছত ৰ’ব।
৪৪৪টকাৰ দৰে ২৪দিনৰ কাৰণে ১৪৯টকা, ২৮দিনৰ ২২২টকা, ৫৬দিনৰ ৩৩৩টকা আৰু ৮৪দিনৰ ৫৫৫টকাৰো ৰিচাৰ্জ প্লেন আছে। এই ৫৫৫টকাৰ ৰিচাৰ্জত বাকী সুবিধা ৪৪৪টকাৰ দৰে হ’লেও জিঅ’ৰ পৰা অন্য নেটৱৰ্কলৈ ৩০০০মিনিট পৰ্যন্ত বিনামূলীয়া কলিঙৰ সুবিধা পাব।
