এয়া কি ৰূপ সাক্ষী ধোনীৰ! কাৰ ওপৰত ইমান খং? অগ্নিশৰ্মা হৈ লিখিলে এই কথা!

ঝাৰখণ্ডত ধাৰাবাহিক লোডশ্বেডিঙে সাধাৰণ মানুহৰ দৈনন্দিন জীৱন বিপৰ্যস্ত কৰি তুলিছে। দৈনিক কাম–কাজত ব্যাঘাত জন্মিছে। ছচিয়েল মিডিয়াত এই লৈ সাধাৰণ মানুহে নিজৰ ক্ষোভ উজাৰিছে। লোডশ্বেডিঙৰ সমস্যাক লৈ এইবাৰ মুখ খুলিলে তাৰকা ক্ৰিকেটাৰ মহেন্দ্ৰ সিং ধোনীৰ পত্নী সাক্ষী ধোনীয়ে। সাক্ষীয়ে বিদ্যুতৰ সমস্যাক লৈ পোনপটীয়াভাৱে চৰকাৰলৈ প্ৰশ্ন কৰিছে।

সোমবাৰে ভাৰতীয় ক্ৰিকেট দলৰ প্ৰাক্তন অধিনায়ক ধোনীৰ পত্নীয়ে ঝাৰখণ্ডৰ বিদ্যুতৰ সমস্যাক লৈ টুইট কৰিছে। ছচিয়েল মিডিয়াত ক্ষোভ উজাৰি সাক্ষীয়ে প্ৰশ্ন কৰিছে ঝাৰখণ্ডত ইমান বছৰ বিদ্যুতৰ সমস্যাৰ সমস্যা কিয়? সাক্ষী ধোনীয়ে টুইট কৰি জনাইছে যে কৰদাতা হিচাপে এয়া জানিব বিচাৰো।

ঝাৰখণ্ডত স্থাপনত পাৱাৰ প্লাণ্টৰ মুঠ ক্ষমতা প্ৰতিদিনে ৪৮২৬ মেগাৱাট। দৈনিতক বিদ্যুতৰ মুঠ চাহিদা ৪২৪৬ মেগাৱাট। কিন্তু ৰাজ্যখনত মাত্ৰ ১২৪৬ মেগাৱাট বিদ্যুত্‍ উৎপাদন হৈছে। বাকী ৩০০০ মেগাৱাট বিদ্যুৎ দিল্লী, পঞ্জাব, কেৰালালৈ গৈছে। আনহাতে, ঝাৰখণ্ডত গৰমত বিদ্যুতৰ চাহিদা ২৬০০ মেগাৱাটলৈ বাঢ়িছে। কোনোমতে তাত ২২০০, ২৩০০ মেগাৱাট বিদ্যুৎ উৎপাদন হৈছে।

ৰাজ্যখনত ডিভিচিৰ দুটা পাৱাৰ প্লাণ্ট আছে। ডিভিচিৰ উৎপাদিত ২০০০ মেগাৱাটৰ ৬০০ মেগাৱাট বিদ্যুৎ ঝাৰখণ্ডত পোৱা যায়। উৎপাদিত বিদ্যুৎ দিল্লী, পঞ্জাবলৈ যোৱাৰ ফলত ক্ষতি হৈছে। মাইথনত উৎপাদন হৈছে ১০০০ মেগাৱাট বিদ্যুৎ।