Terrorists Killed : ভয়ংকৰ আক্ৰমণৰ পৰিকল্পনাৰে অহা ৩ সন্ত্ৰাবাদীক ধৰাশায়ী, অস্ত্ৰ ভাণ্ডাৰ দেখি সেনাও হ'ল আচৰিত!

সূত্ৰ অনুসৰি সেনাই নিয়ন্ত্ৰণ ৰেখাৰ (LoC) ওচৰত সন্ত্ৰাসবাদীৰ উপস্থিতিৰ বিষয়ে জানিব পাৰিছিল যাৰ পিছত সেনাৰ এটা দলে অঞ্চলটোত অভিযান চলাইছিল। উগ্ৰপন্থীসকলে অঞ্চলটোত সেনাৰ উপস্থিতিৰ বিষয়ে গম পোৱাৰ লগে লগে গুলীচালনা কৰে। ইয়াৰ পিছত সেনাইও যোগ্য প্ৰত্যুত্তৰ দিয়ে।

এনকাউণ্টাৰটোত সেনাৰ গুলীত তিনিওটা সন্ত্ৰাসবাদী নিহত হয় যাৰ পৰা বৃহৎ পৰিমাণৰ অস্ত্ৰ-শস্ত্ৰ আৰু গোলা-বাৰুদ উদ্ধাৰ কৰা হয়।

সন্ত্ৰাসবাদীকেইটা অলপতে এলঅ'চিৰ অতিক্ৰম কৰি ভাৰতত প্ৰৱেশ কৰিছিল। তেওঁলোকে পাকিস্তান অধীকৃত কাশ্মীৰৰ পৰা ভাৰতলৈ আহিছিল। এই খবৰ পোৱাৰ পিছতেই ভাৰতীয় সেনাই অভিযান আৰম্ভ কৰিছিল।

নিহত সন্ত্ৰাসবাদীকেইটাৰ পৰা ৫টা AK-47, ৮টা পিষ্টল আৰু ৭০টা গ্ৰেনেড উদ্ধাৰ কৰা হৈছে। চিনাৰ কৰ্পৰ কমাণ্ডাৰ জেনেৰেল ডি পি পাণ্ডেযই কয় যে সন্ত্ৰাসবাদীকেইটাৰ পৰা পাকিস্তানী মুদ্ৰাও উদ্ধাৰ কৰা হৈছে। তেওঁ কয় যে এই অভিযান ৪ দিন ধৰি চলি আছিল।

উল্লেখ্য যে জম্মু আৰু কাশ্মীৰত সন্ত্ৰাসবাদীৰ বিৰুদ্ধে নিৰাপত্তা বাহিনী আৰু আৰক্ষীৰ দ্বাৰা এই অভিযান আৰম্ভ কৰা হৈছে। বুধবাৰে নিশা নিৰাপত্তাৰক্ষীয়ে শ্বপিয়ানত এটা সন্ত্ৰাসবাদীক হত্যা কৰিছিল। নিৰাপত্তা বিষয়াই জনোৱা মতে সন্ত্ৰাসবাদীৰ উপস্থিতিৰ তথ্য পোৱাৰ পিছত সুৰক্ষা বাহিনীয়ে জিলাখনৰ জৈনপোৰা অঞ্চলৰ কাশৱা গাঁৱত এটা বেষ্টনী গঢ়ি তালাচী অভিযান আৰম্ভ কৰিছিল আৰু সন্ত্ৰাসবাদীকেইটাক ধৰাশায়ী কৰিছিল।