২০২১ৰ অক্টোবৰৰ ভিতৰত ঘূৰি আহিব স্বাভাৱিক জীৱন যাত্ৰা, আশা চেৰামৰ CEOৰ

চেৰাম ইনষ্টিটিউট অৱ ইণ্ডিয়াৰ CEO আদাৰ পুনাৱালাই জনাইছে যে, দেশে কোভিড-১৯ টিকাকৰণ ২০২১ৰ জানুৱাৰীৰ ভিতৰত আৰম্ভ হোৱাৰ সম্ভাৱনা আছে। কাৰণ তেওঁ আশাবাদী যে,  জৰুৰী সময়ত ভেকচিন প্ৰয়োগৰ বাবে লাভ কৰিব অনুমোদন।  শনিবাৰে দ্যা ইকোনমিক টাইমছ গ্লোবেল বিজনেছ চামিটত অংশগ্ৰহণ কৰি  SII-ৰ CEOই আশা কৰে যে, ২০২১ চনৰ অক্টোবৰৰ ভিতৰত ভাৰতৰ প্ৰতিগৰাকী লোককে টিকা দিয়াৰ সম্ভাৱনা আছে। ফলত অক্টোবৰৰ পৰাই দেশলৈ উভতি আহিব স্বাভাৱিক জীৱনযাত্ৰা।

‘এই মাহৰ শেষৰ ফালে, আমি এখন জৰুৰী লাইচেন্স লাভ কৰিম। আশা কৰিছো যে, অনুমোদন লাভ কৰিলে ২০২১ৰ জানুৱাৰীৰ ভিতৰত ভাৰতত কোৰোণাৰ টিকাকৰণ অভিযান আৰম্ভ কৰিব পাৰিম।’ জনাই পুনাৱালাই।

‘ভাৰতত ২০ শতাংশ কোৰোণা ভেকচিন লাভ কৰিলে আমি আশাবাদী যে, দেশলৈ কিছু সুস্থিৰতা আহিব। পিছত অহা বছৰ ছেপ্তেম্বৰ-অক্টোবৰৰ ভিতৰত পৰ্যাপ্ত পৰিমাণে কোৰোণাৰ ভেকচিনৰ লগতে স্বাভাৱিক জীৱন যাত্ৰা ঘূৰাই আনিব পৰা হ’ব।’

ইয়াৰ পূৰ্বে চেণ্ট্ৰেল ড্ৰাগছ ষ্টেণ্ডাৰ্ড কণ্ট্ৰোল অৰ্গেনাইজেশ্যনৰ এখন বিশেষজ্ঞ কমিটীয়ে এছ আই আইৰ লগতে ভাৰত বায়টেকৰ কোৰোণা ভেকচিনৰ জৰুৰী ব্যৱহাৰৰ বাবে অনুমোদন বিচাৰে। অতিৰিক্ত সুৰক্ষা আৰু কাৰ্যকৰীতা তথ্য দিয়েই এই অনুমোদনৰ বাবে আবেদন কৰা হয়।

পুনাৱালাই লগতে কৈছে যে, চৰকাৰে ২০২১ৰ জুলাইৰ ভিতৰত ৩০০-৪০০ মিলিয়ন ডোজ কোৰোণাৰ ভেকচিন সংগ্ৰহ কৰিবলৈ চেষ্টা চলাইছে। আনকি চিৰাম ইনষ্টিটিউটেও পৰ্যাপ্ত কোৰোণাৰ ভেকচিন প্ৰস্তুতৰ বাবে চেষ্টা চলাইছে।

ভাৰতত এই টিকা দিয়াৰ বাবে প্ৰস্তুত কৰা চৰকাৰী তথ্যত উল্লেখ কৰা হৈছে যে, প্ৰতিদিনে বিভিন্ন স্থানত মুঠ ১০০ জনক কোৰোণাৰ ভেকচিনৰ ডোজ দিয়াৰ সম্ভাৱনা আছে।