Rape by 400 people: এগৰাকী নাবালিকাক ৪০০ নৰপিশাচৰ ধৰ্ষণ, আছে আৰক্ষীও, নিজ মুখে কৰিলে কৰুণ ঘটনাৰ বৰ্ণনা

মহাৰাষ্ট্ৰৰ বিড জিলাত সংঘটিত এটা কৰুণ আৰু লোমহৰ্ষক ঘটনাই হতবাক কৰি তুলিছে দেশবাসীক। এগৰাকী নাবালিকা তথা বিবাহিত ছোৱালীক ৪০০জন লোকে ধৰ্ষণ কৰাৰ কথা পোহৰলৈ আহিছে। জিলাখন আৰক্ষী অধীক্ষক ৰাজা ৰামাস্বামীয়ে এই তথ্য সদৰী কৰিছে। যোৱা ছমাহ ধৰি নিৰন্তৰ ধৰ্ষণৰ বলি হৈ আহিছে তেওঁ৷ তেওঁ আৰক্ষীৰ ওচৰত অভিযোগ দাখিল কৰাৰ সময়তো যৌন উৎপীড়নৰ ঘটনা সংঘটিত হৈছে। Photo - Representative

ছোৱালীজনী এতিয়া দুমাহৰ গৰ্ভৱতী৷ আৰক্ষীয়ে এতিয়ালৈকে এই আচৰিত ঘটনা সন্দৰ্ভত তিনিজন লোকক গ্ৰেপ্তাৰ কৰিছে৷ অল ইণ্ডিয়া নিউজ এজেঞ্চী এএনআয়ে কয় যে ভুক্তভোগী নাবালিকগৰাকীয়ে এই সন্দৰ্ভত আৰক্ষীৰ ওচৰত অভিযোগ দাখিল কৰিছে৷ Photo Courtesy- ANI/Twitter

নাবালিকাগৰাকীয়ে তেওঁৰ কৰুণ জীৱনৰ কাহিনী আৰক্ষী বিষয়াগৰাকীৰ আগত কয়। তেওঁ কৈছিল যে তেওঁৰ মাকৰ দুবছৰ আগতে মৃত্যু হৈছিল। ইয়াৰ পিছত দেউতাকে তেওঁৰ বিয়াৰ ব্যৱস্থা কৰে। কিন্তু বিয়াৰ পিছত তেওঁৰ স্বামী আৰু শহুৰেকে মাৰপিট আৰু অত্যাচাৰ আৰম্ভ কৰি দিয়ে। Photo - Representative

উপায় নাপায় তেওঁ দেউতাকৰ ওচৰলৈ গুচি যায়। কিন্তু দেউতাকে তেওঁক ঘূৰাই পঠিয়ায়। ইয়াৰ পিছত তেওঁ বিড জিলাৰ অম্বাজোগাই বাছ ষ্টেণ্ডত ভিক্ষা কৰিবলৈ আৰম্ভ কৰিছিল। তাতেই যৌন শোষণৰ পৰ্যায় আৰম্ভ হয়। Photo - Representative

শিশু কল্যাণ সমিতিক দিয়া এক বিবৃতিত ছোৱালীজনীয়ে কয়, "মোক বহু লোকে শোষণ কৰিছে৷ মই অভিযোগ দাখিল কৰিবলৈ একাধিকবাৰ অম্বাজোগাই আৰক্ষী থানালৈ গৈছোঁ, কিন্তু অভিযুক্তজনক ধৰাৰ পৰিৱৰ্তে মোক এজন আৰক্ষীয়ে যৌন হাৰাশাস্তি চলায়৷ Photo - Representative

ছোৱালীজনীৰ অভিযোগ ভাৰতীয় দণ্ডবিধিৰ বাল্য বিবাহ নিষিদ্ধকৰণ আইন, যৌন অপৰাধৰ পৰা শিশুৰ সুৰক্ষা আইনৰ লগতে ধৰ্ষণ আৰু যৌন নিৰ্যাতনৰ অধীনত দাখিল কৰা হৈছে। Photo - Representative

অৱশেষত এই সপ্তাহত গোচৰটো দাখিল কৰা হৈছিল। ঘটনাটোৰ তদন্ত চলি আছে, এতিয়ালৈকে বিড আৰক্ষী থানাই ৩জন লোকক গ্ৰেপ্তাৰ কৰিছে। Photo - Representative