দ্বিতীয়বাৰৰ বাবে দৰা হ'ল IAS টিনা ডাবিৰ প্ৰাক্তন স্বামী আথাৰ আমিৰ খান

ইউপিএছচিৰ শীৰ্ষস্থান প্ৰাপ্ত টিনা ডাবিৰ প্ৰাক্তন স্বামী তথা শ্ৰীনগৰ পৌৰ নিগমৰ আয়ুক্ত আইএএছ আথাৰ আমিৰ খান দ্বিতীয়বাৰৰ বাবে দৰা সাজত বহিল। জানিব পৰা মতে ড৹ মেহৰীন কাজীৰ সৈতে বিবাহপাশত আৱদ্ধ হৈছে। আইএএছ আথাৰৰ কইনা মেহৰীন পেছাত এগৰাকী চিকিৎসক আৰু তেওঁ কাশ্মীৰৰ নিবাসী। আথাৰে বিবাহৰ এটা ভিডিঅ' ইনষ্টাগ্ৰাম একাউণ্টত শ্বেয়াৰ কৰি এই বিষয়ে সকলোকে জনায়।

ইয়াৰ আগতে, IAS আথাৰে জোৰণ (আঙঠি পিন্ধোৱা নিয়ম)ৰ এটা ভিডিঅ' সামাজিক মাধ্যমত শ্বেয়াৰ কৰিছিল। বহুতো ব্যৱহাৰকাৰীয়ে ভিডিঅ'টোত মন্তব্য কৰিছিল। সকলোৱে তেওঁৰ বিবাহৰ বাবে অপেক্ষা কৰি আছিল। এতিয়া দম্পতীহালৰ বিয়াৰ ভিডিঅ'টোও ওলাই আহিছে।

নিজৰ বিয়াত দম্পতীহালে পৰম্পৰাগত পোছাক পৰিধান কৰিছিল। আইএএছ আথাৰ আমিৰ খানে বগা শ্বেৰৱানী পিন্ধিছিল যাক সেউজীয়া ৰঙৰ গহনাৰে মিলাই পিন্ধিছিল। আনহাতে মেহৰীনকো লেহেঙ্গাত খুব ধুনীয়া লাগিছিল।

তথ্য অনুসৰি, আইএএছ আথাৰ আমিৰ খানৰ পত্নী ডঃ মেহৰীন কাজী চিকিৎসাক্ষেত্ৰৰ লগতে ফেশ্বন উদ্যোগত সক্ৰিয়। তেওঁৰ ইনষ্টাগ্ৰামত বহুতো অনুসৰণকাৰী আছে।

আইএএছ আথাৰ আমিৰ খানে পূৰ্বতে টিনা ডাবিৰ সৈতে বিবাহপাশত আৱদ্ধ হৈছিল, যি অসামৰিক সেৱা পৰীক্ষাৰ শীৰ্ষস্থানত আছিল। কিন্তু দুয়োৰে মাজৰ সম্পৰ্ক বেছি দিন স্থায়ী নহ'ল। তেওঁলোক দুয়োজনে জয়পুৰৰ পাৰিবাৰিক আদালতত বিবাহ বিচ্ছেদৰ বাবে আবেদন কৰে আৰু পৃথক হয়।