আজিও আবেদনময়ী সোণালী বেন্দ্ৰে! চিনেমাই নহয়, কৰ্কট ৰোগৰ সৈতে অভিনেত্ৰীগৰাকীৰ যুঁজৰ আখ্যান

৯০ দশকত তোলপাৰ লগোৱা অভিনেত্ৰী সোণালী বেন্দ্ৰে এতিয়াও অত্যন্ত জনপ্ৰিয়। ২০১৮ চনত অভিনেত্ৰীগৰাকী মেটাষ্টেচিচ কৰ্কট ৰোগত আক্ৰান্ত হয়। কিন্তু হেলাৰঙে কৰ্কট ৰোগক পৰাস্ত কৰি অভিনেত্ৰীগৰাকীয়ে নিজকে আকৌ নতুন ৰূপত পৰিচয় কৰাই দিলে। তেওঁৰ জীৱন যুঁজৰ কাহিনী চিনেমাৰ কাহিনীতকৈ কনো গুণে কম নহয়। আজি বিশ্ব কেঞ্চাৰ দিৱস।

সোণালীৰ জন্ম হৈছিল মুম্ৱাইৰ এটা মাৰাঠী পৰিয়ালত। অভিনেত্ৰীগৰাকীয়ে শিক্ষা সমাপ্ত কৰি প্ৰথমে মডেলিং জগতত খোজ দিছিল। ১৯৯৪ চনত প্ৰথমবাৰলৈ বলীউদৰ ছবিত ছবিত অভিনয় কৰিছিল সোণালীয়ে। শিল্পা ছেট্টীৰ সৈতে স্ক্ৰীণ শ্বেয়াৰ কৰিছিল সোণালী বেন্দ্ৰেই।

সোণালীৰ আকৰ্ষণীয়  সৌন্দৰ্য, আকৰ্ষণীয় ব্যক্তিত্ব আদিয়ে সকলোক আকৰ্ষিত কৰি আহিছে। ১৯৯৬  চনত ভাৰতত অনুষ্ঠিত হোৱা মাইকেল জেকশ্যনৰ অনুষ্ঠানত ভাৰতক প্ৰতিনিধিত্ব কৰিছিল সোণালী বেন্দ্ৰেই।

কেৱল বলীউদেই নহয়, সোণালীৰ দক্ষিণৰ ছবিতো সমানেই জনপ্ৰিয়।

২০০২ চনত সোণালী বিবাহপাশত আবদ্ধ হয়। সংসাৰ-সন্তান, সকলো মিলি প্ৰায় ১ দশক সোণালী বলীউদৰ পৰা সামান্য পৰিমাণে আঁতৰি আছে।

সোণালী বেন্দ্ৰে এতিয়া আকৌ সৰু পৰ্দালৈ উভতি আহিছে। ২০১৮ বৰ্ষত অভিনেত্ৰীগৰাকী দুৰাৰোগ্য কৰ্কট ৰোগত আক্ৰান্ত হৈছিল। আমেৰিকাত চলিছিল অভিনেত্ৰীগৰাকীৰ চিকিৎসা। কিন্তু কৰ্কট ৰোগক পৰাস্ত কৰি এতিয়া আকৌ উভতি আহিছে কামলৈ।

ছচিয়েল মিডিয়াতো সোণালী বেন্দ্ৰে অত্যন্ত সক্ৰিয়। অভিনেত্ৰীগৰাকীয়ে নিজৰ জীৱন সংগ্ৰামৰ কাহিনী ইতিমধ্যে বিভিন্ন ঠাইত শ্বেয়াৰ কৰিছে।