Helicopter Crash: বিপিন ৰাৱটৰ দৰে আকাশীপথৰ দুর্ঘটনাত দেশে হেৰুৱাইছিল ৮ ব্যক্তিত্ব

দেশৰ বাবে আজিৰ দিনটোৰ অতি কৰুণ ঘটনা আছিল তামিলনাডুৰ কুন্নুৰত হোৱা সেনাৰ হেলিকপ্টাৰ দুৰ্ঘটনা। হেলিকপ্টাৰখনত সেনাপ্ৰধান বিপিন ৰাৱট আৰু তেওঁৰ পত্নী মধুলিকা ৰাৱটৰ লগতে চিডিএছৰ ব্যক্তিগত নিৰাপত্তাৰ দায়িত্বত থকা সেনা-জোৱান। হেলিকপ্টাৰখন তামিলনাডুৰ নীলগিৰি পাহাৰে আৱৰি থকা অৰণ্যত দুৰ্ঘটনাগ্ৰস্ত হৈছিল। ইয়াতে প্ৰাণ হেৰুৱাই ৰাৱটসহ আন ১২গৰাকীয়ে। অতীততো কেইবাজনো বিশিষ্ট ব্যক্তি হেলিকপ্টাৰ দুৰ্ঘটনাত মৃত্যুমুখত পৰিছিল।

১) অন্ধ্ৰ প্ৰদেশৰ মুখ্যমন্ত্ৰী ৱাইএছ ৰাজশেখৰ ৰেড্ডী (YS Rajasekhar Reddy)। তেওঁ উঠা হেলিকপ্টাৰ ২ ছেপ্টেম্বৰ, ২০০৯ তাৰিখে দুৰ্ঘটনাগ্ৰস্ত হৈছিল। হেলিকপ্টাৰখন অন্ধ্ৰ প্ৰদেশৰ কুৰনুলৰ ৰুদ্ৰোকোণা পাহাৰৰ ওচৰত দুৰ্ঘটনাগ্ৰস্ত হৈছিল।

২) দক্ষিণৰ অভিনেত্ৰী সৌন্দৰ্যৰো হেলিকপ্টাৰ দুৰ্ঘটনাত মৃত্যু হয়। ২০০৪ চনৰ ১৭ এপ্ৰিলত তেওঁৰ হেলিকপ্টাৰ দুৰ্ঘটনাগ্ৰস্ত হয়। তেওঁ বিজেপিৰ হৈ প্ৰচাৰ চলাবলৈ বাংগালুৰুৰ পৰা কৰিমনগৰলৈ গৈ আছিল। তেওঁৰ ভায়েক অমৰনাথো হেলিকপ্টাৰত আছিল।

৩) ২০০১ চনৰ ৩০ ছেপ্টেম্বৰত বিমান দুৰ্ঘটনাত কংগ্ৰেছ মন্ত্ৰী মাধৱৰাও সিন্ধিয়াৰ মৃত্যু হয়। তেতিয়া তেওঁৰ বয়স আছিল ৫৬ বছৰ। বিমানখনত মাজ আকাশতে জুয়ে আগুৰি ধৰে। বিমানখন উত্তৰ প্ৰদেশৰ মণিপুৰী জিলাৰ সীমান্তত দুৰ্ঘটনাগ্ৰস্ত হৈছিল।

৪) লোকসভাৰ প্ৰাক্তন অধ্যক্ষ জিএমচি বালা যোগীৰ হেলিকপ্টাৰ দুৰ্ঘটনাত মৃত্যু হয়। এয়া আছিল ২০০২ চনৰ ৩ মাৰ্চ। হেলিকপ্টাৰখন অন্ধ্ৰ প্ৰদেশৰ কৃষ্ণা জিলাৰ কাইকালুৰ অঞ্চলত দুৰ্ঘটনাগ্ৰস্ত হৈছিল।

৫) ইন্দিৰা গান্ধীৰ সৰু পুত্ৰ আৰু ৰাজনীতিবিদ সঞ্জয় গান্ধীৰ বিমান দুৰ্ঘটনাত মৃত্যু হয়। ১৯৮০ চনৰ ২৩ জুনত তেওঁৰ বিমানখন নতুন দিল্লীৰ চফদৰজং বিমানবন্দৰৰ ওচৰত দুৰ্ঘটনাগ্ৰস্ত হয়।

৬) অৰুণাচল প্ৰদেশৰ প্ৰাক্তন মুখ্যমন্ত্ৰী দৰ্জি খাণ্ডু যিখন হেলিকপ্টাৰত আছিল, সেইখন ২০১১ চনৰ ৩০ এপ্ৰিলৰ পৰা সন্ধানহীন হৈ আছিল। তাৰ পিছত ৫ মে'ত দেশৰ তদানীন্তন গৃহমন্ত্ৰী পি চিদাম্বৰমে তেওঁ মৃত্যুৰ বিষয়ে নিশ্চিতি দিছিল।

৭) ২০০৫ চনৰ ৩১ মাৰ্চত জিন্দল গ্ৰুপৰ অধ্যক্ষ ওম প্ৰকাশ জিন্দলৰ হেলিকপ্টাৰ দুৰ্ঘটনাত মৃত্যু হয়।

৮) প্ৰথম চিপিআইএম আৰু পিছত ৰাষ্ট্ৰীয় কংগ্ৰেছৰ নেতা মোহন কুমাৰমঙ্গলমৰ বিমানবন্দৰত মৃত্যু হয়। ১৯৭৩ চনৰ ৩১ মে' তাৰিখে তেওঁৰ মৃত্যু হয়। তেওঁৰ পকেটত এটা পাৰ্কাৰ কলম আৰু কাণত হিয়াৰিং এইড দেখাৰ পিছত তেওঁক চিনাক্ত কৰা হৈছিল।