Gold Price Today : আকৌ হ্ৰাস পাইছে সোণৰ মূল্য, কিন্তু এইবাৰ বৃদ্ধি হৈছে ৰূপৰ মূল্য ! জানক আজিৰ সোণ-ৰূপৰ মূল্য...

সোণৰ মূল্য আজিও হ্ৰাস পোৱা দেখিবলৈ পোৱা গৈছে । মাল্টি কমোডিটি এক্সচেঞ্জ (MCX)ত জুনৰ ভৱিষ্যত সোণৰ মূল্য ০.২৯ শতাংশ হ্ৰাসৰ সৈতে ব্যৱসায় কৰি আছে । ইফালে ৰূপৰ মূল্যই আজি সামান্য লাভৰ সৈতে ব্যৱসায় কৰি আছে। মে’ৰ ভৱিষ্যত ৰূপৰ মূল্য ০.৪৫ শতাংশ বৃদ্ধি পোৱা পৰিলক্ষিত হৈছে । এমচিএক্স-ত মে’ ভৱিষ্যত ৰূপৰ মূল্য ২২৫ টকা বৃদ্ধি হৈ প্ৰতি কিলোত ৬৮,৬৩৫ টকা হৈছে।

আনহাতে বিশ্বৰ বজাৰৰ কথা ক'লে, আমেৰিকা যুক্তৰাষ্ট্ৰৰ কোষাগাৰৰ উৎপাদন হ্ৰাস হোৱাৰ ফলতে সোণৰ মূল্যও হ্ৰাস পাইছে। বিগত অধিৱেশনত সোণৰ মূল্য ০.২ শতাংশ হ্ৰাস হৈ প্ৰতি আউন্সত ১৭৬৬.৩২ ডলাৰ হৈছিল। ব্ৰকাৰেজৰ মতে ১৭২৫ ডলাৰৰ তলৰ হ্ৰাস মন্দাৱস্থাৰ লক্ষণ হ'ব পাৰে।

এমচিএক্সত সোণৰ মূল্য-
মঙলবাৰে মাল্টি-কমোডিটি এক্সচেঞ্জত জুনৰ ভৱিষ্যত সোণৰ মূল্য ১৩৯ টকা হ্ৰাস হোৱাৰ ফলত প্ৰতি ১০ গ্ৰামত হয়গৈ ৪৭,২৫৪ টকা ৷ পূৰ্বৱৰ্তী অধিৱেশনত সোণে ৪৭,৮৫০ টকাৰ উচ্চতা স্পৰ্শ কৰিছিল।

২৪ কেৰেট সোণৰ মূল্য-
Goodsreturns.in মতে, আজি ৰাজধানী দিল্লীত ২৪ কেৰেট সোণৰ মূল্য ৫০,৬৩০ টকা । চেন্নাইত ৪৯,০৪০ টকা, মুম্বাইত ৪৬,০৮০ টকা, কলকাতাত ৪৯,৬১০ টকা, হায়দৰাবাদত ৪৮,৬১০ টকা আৰু বাংগালুৰুত প্ৰতি ১০ গ্ৰামত ৪৮,৬১০ টকা।

২২ কেৰেট সোণৰ মূল্য -
২২ কেৰেট সোণৰ মূল্যলৈ লক্ষ্য কৰিলে আজিৰ দিনটোত ৰাজধানী দিল্লীত ১০ গ্ৰামৰ মূল্য হৈছে ৪৬,৪১০ টকা। চেন্নাইত ৪৪,৯৬০ টকা, মুম্বাইত ৪৫,০৮০ টকা, কলকাতাত ৪৬,৯১০ টকা, বাংগালুৰুত ৪৪,১৫০ টকা আৰু হায়দৰাবাদত প্ৰতি ১০ গ্ৰামত ৪৪,১৫০ টকা।

কোৰোণা সংকটৰ বাবেই সোণত বিনিয়োগ কৰিছে বিনিয়োগকাৰীসকলে -
বিনিয়োগকাৰীসকলে কোৰোণাৰ সময়তেই বহু সোণ ক্ৰয় কৰিছে। পূৰ্বৱৰ্তী বিত্তীয় বৰ্ষ ২০২০-২১ ত সোণৰ আমদানি ২২.৫৮ শতাংশ বৃদ্ধি হৈ ৩৪.৬ বিলিয়ন ডলাৰ বা ২.৫৪ লাখ কোটি টকা হৈছে । আনহাতে পৰিসংখ্যা অনুসৰি, বিত্তীয় বৰ্ষটোত ৰূপৰ আমদানি ৭১ শতাংশ হ্ৰাস হৈ ৭৯.১ নিযুত ডলাৰ হৈছে।