‘১৫ বছৰতেই গৰ্ভধাৰণ কৰিবলৈ সক্ষম, কন্যাৰ বিয়াৰ বয়স বঢ়োৱাৰ কি দৰকাৰ?’- বিতৰ্কিত মন্তব্য কংগ্ৰেছ নেতাৰ

‘কন্যাৰ বিবাহৰ বয়স বঢ়োৱাৰ কি দৰকাৰ? ১৫ বছৰ বয়সতে গৰ্ভধাৰণ কৰিবলৈ সক্ষম হয়।’- এই মন্তব্য মধ্যপ্ৰদেশৰ কংগ্ৰেছ নেতা সজ্জন সিং  বৰ্মাৰ।

মধ্যপ্ৰদেশৰ প্ৰাক্তন মন্ত্ৰী সজ্জন বৰ্মাই বুধবাৰে কন্যা সন্তানৰ বিয়াৰ নূন্যতম বয়স বঢ়োৱাৰ চৰকাৰৰ সিদ্ধান্তক সমালোচনা কৰিবলৈ গৈ এই মন্তব্য কৰে। তেওঁ কয় যে, কন্যাই ১৫ বছৰতেই সন্তান জন্ম দিব পৰা হয়। গতিকে বিয়াৰ বয়স ১৮ৰ পৰা বঢ়াই ২১ কৰাৰ প্ৰয়োজনীয়তা কত?

সজ্জন সিঙৰ এই মন্তব্যই ব্যাপক বিতৰ্কৰ সৃষ্টি কৰিছে। কংগ্ৰেছ দলক সমালোচনা কৰিছে বিজেপিয়ে।

ঘটনাৰ সূত্ৰপাত হয়, মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানৰ নতুন আঁচনি ‘সন্মান’ক কেন্দ্ৰ কৰি।