অৰুণাচলৰ দিৰাঙত হেলিকপ্টাৰ দুৰ্ঘটনাৰ এক্সক্লুছিভ দৃশ্য News18ৰ হাতত। আজি পুৱা দুৰ্ঘটনাত পতিত হৈছিল সেনাৰ এখন চিতা হেলিকপ্টাৰ। পুৱা ৯.১৫ বজাত ATCৰ সৈতে সংযোগ বিচ্ছিন্ন হৈ পৰিছিল হেলিকপ্টাৰখনৰ। বমডিলাৰ পশ্চিম দিশৰ মান্দালাত দুৰ্ঘটনাত পতিত হয় হেলিকপ্টাৰখন। ভাৰতীয় সেনাৰ সূত্ৰ অনুসৰি, বৃহস্পতিবাৰে পুৱা দৈনন্দিন উৰণৰ বাবে সেনাৰ চিতা হেলিকপ্টাৰখন দুৰ্ঘটনাত পতিত হয়। হেলিকপ্টাৰখনত এজন কৰ্ণেল পৰ্যায়ৰ বিষয়া, ক্ৰু মেম্বাৰ আৰু এজন পাইলট আছিল বুলি জানিব পৰা গৈছে। দুৰ্ঘটনাস্থলীত উপস্থিত হৈছে উদ্ধাৰকাৰী দল।
