৫০ বছৰীয়া মাতৃক জীয়ৰীয়ে পুনৰ বিবাহ কৰাই সামাজিক মাধ্যমত যথেষ্ট চৰ্চিত হৈছে। বিবাহৰ ভিডিঅ’ সামাজিক মাধ্যমত প্ৰকাশ পাইছে। শ্বিলঙৰ দেব আৰ্তি ৰিয়া চক্ৰৱৰ্তীয়ে ইনষ্টাগ্ৰামত মাকৰ বিবাহ অনুষ্ঠানৰ নেপথ্যৰ এটা ভিডিঅ’ পোষ্ট কৰে। মেঘালয়ৰ শ্বিলঙৰ দেব আৰ্তি চক্ৰৱৰ্তীয়ে ৫০ বছৰীয়া মাতৃ মৌচুমী চক্ৰৱৰ্তীক পুনৰ বিবাহপাশত আবদ্ধ কৰাই দিছে। চলিত বৰ্ষৰ মাৰ্চ মাহত মৌচুমীয়ে পশ্চিমবংগৰ বাসিন্দা স্বপনৰ সৈতে বিবাহপাশত আবদ্ধ হয়। দেব আৰ্তি ৰিয়াৰ তেতিয়া দুবছৰ বয়স যেতিয়া মগজুৰ ৰক্তক্ষৰণৰ ফলত দেউতাকৰ আকস্মিক মৃত্যু হৈছিল। মৌচুমীৰ বয়স মাত্ৰ ২৫ বছৰ আছিল আৰু সেই সময়ত শিক্ষক হিচাপে কাম কৰিছিল। তাৰ পিছত মৌচুমী মাকৰ লগত থাকিবলৈ লয়। দেৱ আৰ্তি এতিয়া মুম্বাইত এগৰাকী ফ্ৰীলান্সিং টেলেণ্ট মেনেজাৰ। ৫০ বছৰীয়া মাতৃক পুনৰ বিবাহ কৰাবলৈ ছোৱালীজনীয়ে যেতিয়া মাকৰ লগত পুনৰ বিবাহৰ কথা আলোচনা কৰিছিল, তেতিয়া মাকে "মই বিয়া হ'লে তোমাৰ কি হ'ব?" বুলি কয় প্ৰথমে বিষয়টো এৰাই চলিছিল। মাকৰ পৰা পুনৰ বিবাহৰ সন্মতি পাবলৈ আৰু মান্তি কৰাবলৈ আৰ্তিৰ বহু সময় লাগিল। আৰ্তিয়ে মাকক সুধিলে যে তেওঁলোকে প্ৰথমে বন্ধু হিচাপে আৰম্ভ কৰি তাৰ পিছত জীৱন সংগী হ’ব পাৰে নেকি? "মই প্ৰথমতে তেওঁক বন্ধু হিচাপে তেওঁৰ লগত আড্ডা দিবলৈ কৈছিলো," বুলি আৰ্তিয়ে কয়। তাৰ পিছত আৰ্তিয়ে ক'লে, "আপুনি বন্ধু হৈ পৰিছে, আৰু জীৱনসংগী হ'ব পাৰে।" স্বপনৰ বয়স ৫০ বছৰ আৰু এয়া আছিল তেওঁৰ প্ৰথম বিবাহ।
