Coronavirus 3rd Wave: কোৰোণাৰ তৃতীয় ঢৌৰ ভয়ংকৰ প্ৰভাৱ পৰিব পাৰে শিশুৰ ওপৰত! কিদৰে কৰিব মোকাবিলা, চিন্তাত চিকিৎসকসকল!

কি ভয়ংক দিন আহিছে! কোৰোণাৰ দ্বিতীয় ঢৌৱে সৰ্বত্ৰ ত্ৰাসৰ সৃষ্টি কৰিছে।  হাজাৰ হাজাৰ মানুহ প্ৰতিদিনাই কোৰোণাত আক্ৰান্ত হৈছে। হাস্পতালত বেড নাই, পৰ্যাপ্ত অক্সিজেনৰ অভাৱ। উদ্বেগজনক ভাবে বাঢ়িছে মৃত্যু হোৱা লোকৰ সংখ্যা। এইবাৰ মাৰাত্মক ভাইৰাছে প্ৰভাৱিত কৰিছে শিশুসকলকো।

বিশেষজ্ঞই পূৰ্বেই জনাইছিল যে, চলিত বছৰৰ জুন-জুলাই মাহত কোৰোণাৰ তৃতীয় ঢৌৰ প্ৰভাৱ পৰিব সমগ্ৰ দেশতে। আৰু এই আক্ৰমণৰ পৰা নিস্তাৰ নাপাব শিশুসকলেও। আৰু এই আশংকাতে এতিয়া দিন পাৰ কৰিছে চিকিৎসকে। বৰ্তমান সময়ত কোৰোণাত শিশু আক্ৰান্ত হোৱাৰ হাৰ তুলনামূলক ভাবে কম। কিন্তু তৃতীয় ঢৌত পৰিস্থিতি সলনি হোৱাৰ আশংকা কৰা হৈছে।

যদি এই আশংকাই সত্য প্ৰমাণিত হয়, তেন্তে ভয়ংকৰ পৰিস্থিতিৰ সন্মুখীন হ'ব দেশৰ স্বাস্থ্য বিভাগ। শিশুৰ বাবে প্ৰয়োজন হ'ব চেফ হোম, ক্ৰেছ, চাইল্ড কেয়াৰ ইউনীট। এতিয়া সেই পৰিকাঠামো তৈয়াৰ কৰাৰ বাবে যুদ্ধগতিত কাম আৰম্ভ কৰিছে মুম্বাই মিউনিচিপ্যাল কৰ্পোৰেশ্যনে।

  ইয়াৰ উপৰিও নৱজাতকৰ বাবে ইন্টেন্সিভ কেয়াৰ ইউনীট আৰু পেডিয়েট্ৰিক ইনটেনচিভ কেয়াৰ ইউনীট থাকিব।

কোৰোণাৰ প্ৰথম ঢৌত প্ৰাপ্তবয়স্ক লোক সৰ্বাধিক আক্ৰান্ত হৈছিল। দ্বিতীয় ঢৌত চৰিত্ৰ সলনি কৰিলে ভাইৰাছে। সাধাৰণতে কমবয়সৰ লোকসকলো আক্ৰান্ত হৈছে কোৰোণাত। তৃতীয় ঢৌৰ প্ৰভাৱ কণ কণ শিশুসকলৰ ওপৰত পৰাৰ আশংকা কৰিয়েই পেডিয়েট্ৰিক বিভাগক সম্পূৰ্ণ সাজু কৰি ৰখাৰ সিদ্ধান্ত লৈছে মহাৰাষ্ট্ৰ চৰকাৰে।

কাৰণ চিকিৎসকসকলে কৈছে যে, 'কোৰোণাৰ হলে শিশুসকলৰ স্বাভাৱিক ৰোগ প্ৰতিৰোধ ক্ষমতা হ্ৰাস পাব। ফলত ৰোগৰ লক্ষণ ভয়ংকৰ হৈ উঠিব পাৰে। ফলত আগতীয়াকৈয়ে সমগ্ৰ দেশ এই ক্ষেত্ৰত প্ৰস্তুত হৈ থকাতো ভাল।'