সন্মান হানি হোৱাৰ ভয়ত অবিবাহিত গৰ্ভৱতী কন্যাক নিজ হাতে ঘপিয়াই হত্যা কৰিলে পিতৃ–মাতৃয়ে

সন্মান ৰক্ষাৰ বাবে হত্যা। উত্তৰ প্ৰদেশত সংঘটিত হৈছে এই নিৰ্মম ঘটনা। অন্তঃসত্ত্বা ২০ বছৰীয়া এগৰাকী যুৱতীক নিজ হাতেৰে ঘপিয়াই হত্যা কৰি ৰে’ললাইনৰ ওপৰত পেলাই দিলে পিতৃ–মাতৃয়ে। ঘটনাৰ তদন্তত নামি দুই অভিযুক্তক গ্ৰেপ্তাৰ কৰিছে আৰক্ষীয়ে। (প্ৰতীকী ফটো)

উত্তৰ প্ৰদেশৰ প্ৰতাপগড়ত সংঘটিত হৈছে এই ঘটনা। বিগত ২৫ অক্টোবৰত আলবাপুৰত ৰে’ল লাইনৰ ওপৰৰ পৰা যুৱতীগৰাকীৰ মৃতদেহ উদ্ধাৰ কৰা হয়। যুৱতীগৰাকীৰ পৰিচয় বিচাৰি থকা অৱস্থাতে কমলেশ কুমাৰ যাদৱে স্বীকাৰ কৰে যে সেইগৰাকী তেওঁৰ কন্যা। (প্ৰতীকী ফটো)

ইমানেই নহয়, কমলেশে কন্যাক হত্যাৰ অভিযোগত থানাত অভিযোগো দাখিল কৰে। ইয়াৰ পিছতে তদন্তত নামি পৰে আৰক্ষী। কমলেশ আৰু তেওঁৰ পত্নী অনিতা দেৱীক সোধা–পোছা কৰে আৰক্ষীয়ে। মৰণোত্তৰ পৰীক্ষা আৰু ইউএছজিত পৰিষ্কাৰভাৱে দেখা গৈছে যে মৃত্যুৰ সময়ত গৰ্ভৱতী আছিল যুৱতীগৰাকী। (প্ৰতীকী ফটো)

লাহে লাহে আৰক্ষীৰ সন্দেহ বেছি হ’ল। আৰক্ষীৰ জেৰাত ভাঙি পৰে কমলেশ আৰু অনিতা। কন্যাক হত্যা কৰাৰ কথা স্বীকাৰ কৰে আৰক্ষীৰ আগত। আৰক্ষীৰ আগত তেওঁলোকে জনায় যে লোকলজ্জাৰ ভয়ত গৰ্ভৱতী জীয়ৰীক তেওঁলোকে হত্যা কৰিছে। (প্ৰতীকী ফটো)

২৪ অক্টোবৰত হঠাৎ তেওঁলোকে জানিবলৈ পায় যে তেওঁলোকৰ কন্যা গৰ্ভৱতী। বাৰম্বাৰ সোধাৰ পিছতো সন্তানৰ পিতৃ কোন সেয়া কোৱা নাছিল কন্যাই। অৱশেষত কন্যাক চিকিৎসকৰ ওচৰলৈ লৈ যায় গৰ্ভপাত কৰোৱাৰ বাবে। কিন্তু ছয় মাহ হৈ যোৱা বাবে সেয়া সম্ভৱ নহ’ল। (প্ৰতীকী ফটো)

ইয়াৰ পিছত কন্যাক হত্যা কৰাৰ সিদ্ধান্ত লয় কমলেশ আৰু অনিতাই। নিশাৰ আন্ধাৰত ৰে’ল লাইনৰ ওপৰলৈ নি চোকা অস্ত্ৰৰে ঘপিয়াই হত্যা কৰে কন্যাক। (প্ৰতীকী ফটো)