অৰুণাচল প্ৰদেশৰ নিচেই সমীপত ব্রহ্মপুত্রৰ ওপৰত মেগা নদীবান্ধ তৈয়াৰ কৰিব চীনে! উত্তৰ পূৱলৈ অশনি সংকেত

দেশক চিন্তাত পেলাই নিজৰ অংশত থকা ব্ৰহ্মপুত্ৰৰ নদীৰ ওপৰত মেগা ডাম সজাৰ সিদ্ধান্ত লৈছে চীনে। ইতিমধ্যেই ইয়াৰ প্ৰাথমিক কাম কাজ আৰম্ভ হৈছে বুলি প্ৰকাশ। ব্রহ্মপুত্র নদ অৰুণাচল প্রদেশ, অসম হৈ বাংলাদেশত প্রৱেশ কৰিছে৷Photo-File

উৎপত্তিস্থল তিব্বতৰ প্ৰকৃত নিয়ন্ত্ৰণৰেখাৰ একেবাৰে ওচৰত ইয়াৰলুং জাংবো নদীৰ ওপৰত এই বান্ধ সজাৰ পৰিকল্পনা কৰিছে চীনে। ইয়াৰ ফলত উত্তৰ পূৱ ভাৰতলৈ অশনি সংকেত নামি অহাটো নিশ্চিত। ইয়াৰলুং জাংবো নদী অৰুণাচল প্রদেশত চিয়াং আৰু অসমত ব্রহ্মপুত্র নদ হিচাপে বৈ আছে৷  Photo-Getty Images

স্বশাসিত তিব্বতৰ মেডগ কাউন্টিৰ সমীপত এই বান্ধ নিৰ্মাণৰ কথা প্ৰকাশ কৰিছে চীনৰ সংবাদমাধ্যমে। এই এলেকাৰ পৰা অৰুণাচল প্রদেশলৈ দূৰত্ব খুব বেচি নহয়। প্রস্তাৱিত এই বান্ধক কেন্দ্ৰ কৰি নিজৰ দেশৰ সৰ্ববৃহৎ জলবিদ্যুৎ প্রকল্প গঢ়ি তোলাৰ পৰিকল্পনা লৈছে চীনে৷ বর্তমান পৃথিৱীৰ সর্ববৃহৎ জলবিদ্যুৎ প্রকল্প আছে চীনতেই৷ ইয়াৰলুং জাংব’ নদীৰ ওপৰত এই চুপাৰ ডামৰ ক্ষমতা তাৰ তিনিগুণ হয় বুলি কৈছে চীনৰ চৰকাৰী সংবাদমাধ্যমে৷Photo-Reuters

২০৬০ বৰ্ষৰ ভিতৰত কাৰ্বন নিঃসৰণ শূণ্যলৈ নমোৱাৰ লক্ষ্য চীনৰ। নতুন এই জলবিদ্যুৎ প্রকল্পই তেওঁলোকৰ সেই লক্ষ্যপূৰণৰ ক্ষেত্ৰত যথেষ্ট সহায় কৰিব বুলি কোৱা হৈছে। Photo-File

দুই দেশৰ মাজত প্ৰৱাহিত নদীসমূহক লৈ ভাৰত–চীনৰ মাজত একাধিক চু্ক্তি আছে। সেই চুক্তি অনুসৰি ভাৰতক চীনত হোৱা নদীৰ সকলো তথ্য জনাব লাগে বেইজিঙে৷ Photo-File

আশংকা কৰা হৈছে শেহতীয়াকৈ ভাৰত তথা চীনৰ সীমান্ত সংঘাতৰ কাৰণে এই নদীসমূহৰ পানী নিয়ন্ত্ৰণ কৰি ভাৰতীয় অৰ্থনীতিক চাপত পেলোৱাৰ অপচেষ্টা কৰিব পাৰে চীনে। অৱশ্যে চীনৰ তৰফৰ পৰা কোৱা হৈছে যে ব্রহ্মপুত্র নদৰ ওপৰত প্রস্তাৱিত এই বান্ধ নির্মাণ কৰিলে ভাৰত তথা বাংলাদেশো উপকৃত হ’ব৷Photo-File