CAIT protests against Amazon: ড্ৰাগছ, নিষিদ্ধ ৰাসায়নিক পদাৰ্থ বিক্ৰী কৰাক লৈ এমাজনৰ বিৰুদ্ধে দেশজুৰি প্ৰতিবাদ CAITৰ

কনফেডাৰেচন অফ অল ইণ্ডিয়া ট্ৰেডাৰ্ছ (CAIT)এ বুধবাৰে ই-কমাৰ্চ কোম্পানী এমাজনৰ বিৰুদ্ধে দেশবিৰোধী তথা অনৈতিক কাৰ্যকলাপত লিপ্ত হোৱাৰ বাবে দেশজুৰি প্ৰতিবাদ সাব্যস্ত কৰে।

উল্লেখ্য, বহুজাতিক ই-কমাৰ্চ কোম্পানী এমাজনে মাৰিজুৱানা সৰবৰাহ কৰাকে ধৰি পুলৱামা কাণ্ডত বোমাৰ বাবে ব্যৱহৃত ৰাসায়নিক পদাৰ্থ সৰবৰাহৰ বিৰোধিতা কৰি এই প্ৰতিবাদ সাব্যস্ত কৰে সংস্থাটোৱে।

চি.এ.আই.টিয়ে ইয়াৰ ই-কমাৰ্চ পৰ্টেলত অবৈধ সামগ্ৰী বিক্ৰী কৰাৰ বাবে আমাজনৰ বিৰুদ্ধে দেশৰ ৫০০খন জিলাত প্ৰতিবাদ সাব্যস্ত কৰে।

কনফেডাৰেচন অফ অল ইণ্ডিয়া ট্ৰেডাৰ্ছে সামাজিক মাধ্যমত প্ৰতিবাদৰ বিষেয় জানিবলৈ দিয়ে। সংস্থাটোৱে এমাজনৰ বিৰুদ্ধে প্ৰতিবাদৰ তিনিটা কাৰণৰ বিষয়ে উল্লেখ কৰে। প্ৰথমতে, তেওঁলোকৰ প্লেটফৰ্মত ড্ৰাগছ বিক্ৰী কৰা, বোমা তৈয়াৰ কৰাত ব্যৱহৃত ৰাসায়নিক পদাৰ্থ বিক্ৰী কৰা আৰু বস্ত্ৰ আৰু জোতাৰ ক্ষেত্ৰত হাৰ বৃদ্ধিৰ বাবে জিএছটি পৰিষদৰ বিৰুদ্ধে।

উল্লেখ্য, ইয়াৰ আগতে মধ্য প্ৰদেশ আৰক্ষীয়ে এমাজন ই-কমাৰ্চ পৰ্টেলৰ জৰিয়তে আন সামগ্ৰী বিক্ৰী কৰা দেখুৱাই গাঞ্জা বিক্ৰী কৰি থকা এটা চক্ৰক গ্ৰেপ্তাৰ কৰিছিল।