পাক সন্ত্ৰাসবাদীৰ এজেণ্টৰ সৈতে শ্বাহৰুখ-গৌৰীৰ ফটো, বলীউদ-ISIৰ মাজত আছে নেকি সম্পৰ্ক?

বলীউদৰ অভিনেতা শ্বাহৰুখ খান আৰু পত্নী গৌৰী খানৰ লগত কি সম্পৰ্ক ভাৰত বিদ্বেষীৰ?

পোহৰলৈ আহিছে কেইখনমান বিশেষ ফটো। ফটোত শ্বাহৰুখ, গৌৰীক দেখা গৈছে দুজন বন্ধুৰ সৈতে। যাৰ বিৰুদ্ধে আছে জম্মু-কাশ্মীৰত সন্ত্ৰাসবাদীক টকা যোগাৰ দিয়াৰ অভিযোগ।

বৃহস্পতিবাৰে বিজেপি নেতা বৈজয়ন্ত জয় পাণ্ডেই অভিযোগ কৰে যে, বলীউদৰ বহু তাৰকাৰ সৈতে দুয়োগৰাকী সন্ত্ৰাসবাদী এজেণ্টৰ সঘনে চলে যোগাযোগ। আনকি ISIৰ সৈতেও বহু অভিনেতা-অভিনেত্ৰীৰ সম্পৰ্ক থকাৰ দাবী বিজেপি নেতাজনৰ। আৰু তাৰ পিছতেই পোহৰলৈ আহে এনে কেতবোৰ ফটো।

শ্বাহৰুখ-গৌৰীৰ সৈতে দেখা গৈছে ৰেহন ছিদ্দিকী আৰু টনি আশাইক। পিছে কোন এই জন ৰেহন আৰু টনি আশাইক?  জানিব পৰা মতে, শ্বাহৰুখ খানৰ ব্যৱসায়ীক সহযোগী ৰেহন আৰু টনি। দুয়োজনৰ বিৰুদ্ধে আছে সন্ত্ৰাসবাদীৰ সৈতে সম্পৰ্ক থকাৰ অভিযোগ।

টনি আৰু ৰেহন দুয়োজনেই ভাৰতৰ বিৰুদ্ধে জম্মু-কাশ্মীৰত পাকিস্তান সন্তাসবাদীয়ে চলোৱা সন্ত্ৰাসবাদৰ কাৰ্যকলাপৰ সময়ত ধনৰ যোগাৰ দিয়াৰ অভিযোগ।

টনি আশাই হ’ল জম্মু-কাশ্মীৰৰ প্ৰতিষ্ঠিত আৰ্কিটেক্ট। তেওঁৰ বিৰুদ্ধে আছে কাশ্মীৰী যুৱকক সন্ত্ৰাসবাদী কাৰ্যকলাপৰ বাবে প্ৰৰোচিত কৰাৰ অভিযোগ।শ্বাহৰুখ খানৰ ডুবাইত থকা বাসগৃহৰ আৰ্কিটেক্ট আছিল টনি। আৰু গৌৰী খানৰ সৈতে কৰ্মসূত্ৰেই পৰিচয় হৈছিল টনিৰ।  আনকি ৰেহন ছিদ্দিকীয়ে বিদেশৰ মাটিত ভাৰতীয় তাৰকাৰ বাবে অনুষ্ঠানৰ আয়োজন কৰে। সেই সুবাদত বলীউদৰ বহু তাৰকাৰ সৈতে যোগাযোগ আছে ছিদ্দিকীৰ। দুয়োৰে বিৰুদ্ধে আছে সন্ত্ৰাসবাদী কাৰ্যকলাপৰ বাবে উচতনি দিয়াৰ অভিযোগ।