সঁচাই সুশান্তৰ মৃত্যুৰ ঘটনাৰ সৈতে জড়িত নেকি ৰিয়া চক্ৰৱৰ্তী? সঁচাই সুশান্তক হত্যা কৰা হৈছেনে? ক্ৰমশঃ জটিল হৈ পৰিছে সুশান্তৰ মৃত্যু ৰহস্য। ইয়াৰ মাজতে ছচিয়েল মিডিয়াত এতিয়া একাংশৰ সমালোচনাৰ সন্মুখীন হৈছে ৰিয়া। সম্প্ৰতি আৰক্ষীয়ে পৰীক্ষা কৰিছে ৰিয়া চক্ৰৱৰ্তীৰ কল ৰেকৰ্ড। কাক কাক ৰিয়াই নিয়মিতভাৱে ফোন কৰিছিল, সেয়া জনাৰ চেষ্টা কৰা হৈছে। এইবাৰ আৰক্ষীৰ হাতত পৰিছেহি নতুন তথ্য। ২০১৯ৰ পৰা ২০২০ বৰ্ষৰ ভিতৰত ৰিয়াই বহু ঠাই ঘূৰিছে। তাৰ তালিকা এইবাৰ আহি পৰিছে আৰক্ষীৰ হাতত। এটা ইংৰাজী টিভি চেনেলৰ খবৰ অনুসৰি, ৰিয়াই ২০১৯ৰ পৰা ২০২০লৈকে মহাৰাষ্ট্ৰ, গোৱা, ফ্ৰান্স, অষ্ট্রিয়া, ইউ এ ই, ছুইজাৰলেণ্ড ভ্ৰমণ কৰিছে। এই ভ্ৰমণৰ খৰচ কোনে দিছিল? সেয়াও অনুসন্ধান কৰি আছে আৰক্ষীয়ে।
