Why Marriage Good For Health: বিয়া কৰাব নিবিচাৰে নেকি? অবিবাহিত লোকৰ বাবে চিন্তাৰ কাৰণ! আক্ৰান্ত হ'ব পাৰে এনে মাৰাত্মক ৰোগত!

বিয়াক বহুতে কয় দিল্লী কা লাড্ডু! এই লাড্ডুৰ যি খাই সেইজনেও পস্তাই, যি নাখাই সেইজনেও পস্তাই। কিন্তু বৰ্তমান সময়ত নাৰী পুৰুষ উভয়ৰে বিয়া বুলিলে অনীহা অহা দেখা গৈছে। এই অনীহা বিশেষকৈ পুৰুষৰ ক্ষেত্ৰত অধিক। কাৰণ পুৰুষসকলে ভাবে যে, বিবাহিত পুৰুষৰ তুলনাত অবিবাহিত থাকিলে বহু সমস্যাৰ পৰাই হাত সাৰি থাকিব পাৰি।

এনে প্ৰচলিত ধাৰণা আছে যে, যিসকলে বিয়া নকৰাব সেইসকল সমাজৰ আৰু সংসাৰৰ নানা দায়িত্বৰ পৰা আঁতৰি থাকিব পাৰে। কিন্তু ই মাতি আনিব পাৰে ডাঙৰ বিপদ।

ইউৰোপিয়ান চছাইটি অফ কাৰ্ডিঅ'লজী আৰু জাৰ্মানীৰ বিশ্ববিদ্যালয় চিকিৎসালয় ৱেৰ্জবাৰ্গৰ কম্প্ৰেহেন্সিভ হাৰ্ট ফেইলাৰ চেণ্টাৰৰ শেহতীয়া অধ্যয়নত দেখুওৱা হৈছে যে অবিবাহিত পুৰুষসকল হৃদৰোগত আক্ৰান্ত হোৱাৰ সম্ভাৱনা অধিক।

অধ্যয়নঅনুসৰি, বিবাহিত পুৰুষৰ তুলনাত অবিবাহিত পুৰুষে কম বয়সতে প্ৰাণ হেৰুওৱাৰ সম্ভাৱনা অধিক।

সামাজিক জীৱনত কম সম্পৰ্কৰ বাবে অবিবাহিত পুৰুষসকল এনে ৰোগত আক্ৰান্ত হোৱাৰ সম্ভাৱনা অধিক। এই অধ্যয়নটোত সেইটোৱেই কোৱা হৈছে।

অধ্যয়নে এইটোও দেখুৱাইছে যে বিবাহিত পুৰুষসকলে গুৰুতৰ জটিল ৰোগত আক্ৰান্ত হ'লে পৰিস্থিতিটো মোকাবিলা কৰাৰ ওপৰত অধিক আস্থা ৰাখে।

গৱেষকৰ এটা গোটৰ মতে, জনসম্পৰ্কে মানুহৰ দীৰ্ঘম্যাদী সমস্যানিয়ন্ত্ৰণ কৰাৰ ক্ষমতা যথেষ্ট বৃদ্ধি কৰে। সঙ্গী থকাটোৱে জীৱনসহজ আৰু স্বাস্থ্যকৰ কৰি তোলে। ফলস্বৰূপে, জীৱন শক্তিও বৃদ্ধি হয়।