Healthy Lifestyle: ডিঙিত মাছৰ কাঁইট লাগি ধৰিলে কি কৰিব? জানি থওক এতিয়াই

মাছ অসমৰ লোকৰ প্ৰিয় খাদ্য। মাছ ভাজি, জোল কৰি, ভাপত দি অথবা পুৰি বিভিন্ন ব্যঞ্জনেৰে খায় অসমৰ লোকে। কিন্তু বহু সময়ত মাছৰ একোডাল কাঁইচে আমাৰ জীৱনলৈ চৰম বিপত্তি কঢ়িয়াই আনে। এনে হ'লে লগে লগে কৰিব পৰা কিছুমান উপায় আছে যাৰ সহায়ত ডিঙিত লাগি ধৰা কাঁইট আঁতৰ কৰিব পাৰি। আটাইতকৈ সহজ উপায়টো হৈছে, মাছৰ কাঁইট লাগি ধৰিলে শুকান ভাত অলপ লাড়ু কৰি লৈ গিলি দিয়া। ইয়াৰ পিছত অলপ পানী খাব লাগে। এনে কৰিলে মাছৰ কাঁইট গুচি যায়।

নেমুত পাতলকৈ নিমখ মিহলি কৰি চুহি থাকিলেও বহুসময়ত কাঁইট আঁতৰি যায়। ইয়াৰ উপৰি পাওৰুটি, গাখীৰত তিয়াই খালেও ভাল কাম কৰে।

মাছৰ কাঁইট আঁতৰ কৰাত সবাতোকৈ উত্তম উপায় হৈছে কল। এটা কল যদি সম্পূৰ্ণ খাই দিয়ে মাছৰ কাঁইট আঁতৰি যাব।

কোৱা হয় যে ভিনেগাৰে ডিঙিত থকা মাছৰ কাঁইট আঁতৰ কৰাত খুব ভালদৰে কাম কৰে।

কিন্তু এই সকলোবোৰৰ পিছতো যদি কাঁইট থাকি যায় তেন্তে নিশ্চিতভাৱে এজন চিকিৎসকৰ ওচৰলৈ যোৱাটো জৰুৰী।