Weight Loss Tips: ঘৰতে থকা এইবোৰ খাদ্যই হোৰাহোৰে কমাব পাৰে আপোনাৰ ওজন!

আজিকালি আমি অলপতে ভাগৰি পৰোঁ। হৃদস্পন্দন সঠিকভাৱে ৰখা, শৰীৰত কেলচিয়াম যোগান ধৰা, বেয়া কলেষ্টেৰল প্ৰতিৰোধ কৰা আৰু বেগতে ওজন কমাই অনাটো এতিয়া প্ৰায় সকলোৰে লক্ষ্য। সুস্থ জীৱন যাপন কৰিবলৈ হ’লে প্ৰয়োজনীয় শাৰীৰিক ব্যায়াম কৰিব লাগিব, লগতে আহাৰত কিছুমান বিশেষ খাদ্য যোগ কৰিব লাগিব। (Weight Loss Tips)

চিকিৎসকেও বহুসময়ত কেইবাটাও ঘৰুৱা পানীয়ৰ ওপৰত আস্থা ৰাখিবলৈ কয়। এনে এটা ফলপ্ৰসূ পানীয় হ’ল কিচমিচত তিয়াই থোৱা পানী। কিচমিচত থকা কাৰ্বহাইড্ৰেটে শৰীৰক অতিৰিক্ত শক্তি প্ৰদান কৰে। ৰক্তহীনতাৰ সমস্যা দূৰ কৰাতো এই পানী অতি ফলপ্ৰসূ। এই পানীয় ছোৱালীৰ বাবে অতি উপকাৰী কাৰণ ছোৱালী ৰক্তহীনতাত বেছিকৈ ভোগে।

খালী পেটত ব্যায়াম কৰাটো একেবাৰেই ভাল নহয়। ব্যায়ামৰ আগতে কিচমিচ খালে শৰীৰত শক্তিৰ ক্ষিপ্ৰতাৰে স্থানান্তৰ হয়। পানীত তিয়াই থোৱা কিচমিচ খালেও ব্যায়াম কৰিবলৈ প্ৰয়োজনীয় শক্তি পাব।

কিচমিচত কেলৰি কম থাকে। কিচমিচত থকা প্ৰাকৃতিক চেনি আৰু লেপ্টিনে পেটটো বহু সময়লৈ ভৰ্তি কৰি ৰাখে। লেপ্টিনে চৰ্বি কমোৱাটো সহায় কৰে। চেনিৰ সলনি কিচমিচ খাব পাৰে।

কিচমিচত থকা ডায়েটৰি ফাইবাৰ হজম শক্তি ভালে ৰখাত অতি উপযোগী। যেতিয়া হজম ভাল হয় তেতিয়া বিপাকীয় ক্ৰিয়াৰ হাৰ বৃদ্ধি পায়, গতিকে ওজন নিয়ন্ত্ৰণত থাকে।

১০০ গ্ৰাম কিচমিচ ভালদৰে ধুই এগিলাচ পানীত ৰাতিটো তিয়াই থ’ব লাগে। এই পানী ৰাতিপুৱা চেকি খালী পেটত খাব লাগে। ভাল ফলাফল পাবলৈ পানীখিনি গৰম কৰি খাব পাৰে।

এই পানী খোৱাৰ পিছত আধা ঘণ্টালৈকে একো নাখাব। সপ্তাহত পাঁচ দিন এই পানী খালে বিভিন্ন শাৰীৰিক সমস্যাৰ পৰা সকাহ পোৱা যায়।