Water : আপুনি প্ৰয়োজনতকৈ বেছি পানী খাই আছে নেকি? অজানিতে এই ডাঙৰ ডাঙৰ ৰোগবোৰ শৰীৰলৈ মাতি অনা নাইতো?

বেমাৰ যিয়েই নহওক, পানীয়েই আটাইতকৈ ডাঙৰ সমাধান। কাৰোবাৰ বেমাৰৰ কথা শুনিলে আমি প্ৰথমে এই উপদেশ দিওঁ। গৰমেই হওক বা ঠাণ্ডা হওক, এইয়া আমাৰ চিকিৎসকৰ তাৎক্ষণিক পৰামৰ্শ। ইয়াতকৈ ডাঙৰ ঔষধ কি হ’ব পাৰে?

কিন্তু সত্যটো কি! অধিক পানী খালে ৰোগমুক্ত হৈ থকাটো সম্ভৱনে? কোনোপধ্যে নহয়. ইয়াৰ বিপৰীতে। অত্যধিক পানী সেৱন কৰিলে কিছুমান ক্ষেত্ৰত স্বাস্থ্যৰ বাবে বিপদজনক হ’ব পাৰে। অলপ বিশদভাৱে জানি লও আহক।

পানী খালে পেটটো ঠাণ্ডা হৈ থাকে। পানী খালে ছালখন সুস্থ হৈ থাকে আৰু মাংসপেশীৰ শক্তি বৃদ্ধি পায়। পানী খালে বৃক্ক, যকৃত, হাওঁফাওঁ আৰু শৰীৰৰ সকলো অংগ সুস্থ হৈ থাকে। সামগ্ৰিকভাৱে পানী কেৱল গুণগত মানেৰে ভৰপূৰ। কিন্তু অত্যধিক পানী খালে কিছু সমস্যাৰ সৃষ্টি হ’ব পাৰে।

চিকিৎসকে কয় যে পানী খোৱাটো নিশ্চিতভাৱে ভাল। কিন্তু অত্যধিক পানী খালে তেজত থকা ছডিয়ামৰ পৰিমাণ কমি যায়। যেতিয়া তেজত ছডিয়ামৰ পৰিমাণ কমি যায় তেতিয়া ভাগৰুৱা বা ক্লান্ত অনুভৱ হয়। গোটেই দিনটো টোপনি অহা, বমি ভাব, মূৰৰ বিষ অনুভৱ হয়। অত্যধিক প্ৰস্ৰাৱ কৰিলে ছডিয়ামৰ পৰিমাণ আৰু কমি যায়। বৃদ্ধসকলৰ মাজত এই সমস্যা বেছিকৈ দেখা যায়।

লগতে জনা যায় যে প্ৰয়োজনতকৈ অধিক পানী খালে অতিমাত্ৰা হাইড্ৰেচন হ’ব পাৰে। ইয়াৰ ফলত শৰীৰৰ কোষবোৰ ফুলি উঠে। মগজুৰ কোষবোৰো ফুলিবলৈ আৰম্ভ কৰে। ইয়াৰ ফলত ব্ৰেইন ষ্ট্ৰোক হ’ব পাৰে।

মানুহৰ শৰীৰত কিডনিয়ে ফিল্টাৰৰ কাম কৰে। অত্যধিক পানী খালেও তাত সমস্যাৰ সৃষ্টি হ’ব পাৰে। তদুপৰি অতিৰিক্ত পানী খালে শৰীৰত পটাছিয়ামৰ পৰিমাণ কমি যায়। ইয়াৰ ফলত কঁকালৰ বিষ, বুকুৰ বিষ, যকৃতৰ সমস্যা হ’ব পাৰে। প্ৰয়োজনতকৈ বেছি পানী খালেও হৃদযন্ত্ৰত হেঁচা পৰে। ফলত হাৰ্ট এটেক হোৱাৰ সম্ভাৱনা থাকে।

পিছে ইমানবোৰ সমস্যাৰ বাবে আপুনি পানী নাখাবই নেকি! খাবই লাগিব। কিন্তু পৰিমাণটো বুজিব লাগিব। বহুতে কয় যে দিনটোত কমেও তিনি লিটাৰ পানী খাব লাগে। কিন্তু সকলোৰে শৰীৰৰ গঠন বেলেগ বেলেগ। চাহিদাও বেলেগ। গতিকে শৰীৰে নিজৰ প্ৰয়োজন অনুযায়ী পানী খোৱাৰ প্ৰয়োজন। কিমান পানী সেৱন কৰে সেয়া নিৰ্ভৰ কৰে নিজৰ জীৱনশৈলীৰ ওপৰত।