Viral News | একেজন যুৱকৰে প্ৰেমত হাবুডুবু দুগৰাকী যুৱতী! অৱশেষত 'টচ' কৰি গাঁৱৰ মুৰব্বীয়ে পাতি দিলে বিবাহ!

একেলগে দুগৰাকী যুৱতীক ভাল পাইছিল এজন যুৱকে। অৱশ্যে এগৰাকী প্ৰেমিকাই জনা নাছিল আনগৰাকীৰ কথা। কিন্তু এই কথা জনা হোৱাৰ পিছতো দুইগৰাকী প্ৰেমিকাই প্ৰেমিকক এৰিবলৈ ৰাজি নহ'ল। আৰু শেষত সকলোৱে মিলি উলিয়ালে এক অভিনৱ পদ্ধতি।  টচ কৰি নিৰ্ধাৰণ কৰা হ'ল কোনগৰাকী হ'ব বিবাহ।

কৰ্ণাটকৰ চকলেশপুৰ গাঁৱৰ ঘটনা এয়া। স্থানীয় সংবাদ মাধ্যমৰ বাতৰি অনুসৰি কোৱা হৈছে যে, ২৭ বছৰ বছৰীয়া এগৰাকী যুৱকৰ সৈতে যোৱাবছৰৰ পৰা অন্য এখন গাঁৱৰ এগৰাকী যুৱতীৰ প্ৰেমৰ সম্পৰ্ক গঢ় লৈ উঠিছিল। কিন্তু তাৰ ছমাহ পূৰ্বেই অন্য এগৰাকী যুৱতীৰো প্ৰেমত পৰিছিল যুৱকজন। ইয়াৰ পিছত মনে মনে দুয়োগৰাকী যুৱতীৰ লগতে প্ৰেমৰ সম্পৰ্ক চলাই নিছিল যুৱকজনে।

কিন্তু শেহতীয়াকৈ এই যুৱকজনক এগৰাকী প্ৰেমিকাৰ সৈতে আনগৰাকী প্ৰেমিকাৰ আত্মীয়ই দেখে। পিছত লোকজনে পৰিয়ালক বিষয়টো অৱগত কৰে।

এই খবৰ লাভ কৰি দুয়োগৰাকী প্ৰেমিকাৰ ঘৰৰ লোক যুৱকজনৰ ঘৰলৈ আহে। আৰু তেতিয়াই ঘটনাতো সকলোৱে গম পায়। শেষ পৰ্যন্ত বিষয়টো মীমাংসা কৰিবলৈ পঞ্চায়ত মতা হয়। কিন্তু পঞ্চায়তৰ ওচৰত দুয়োগৰাকী প্ৰেমিকাকে বিয়া কৰাবলৈ নাচোৰবান্দা প্ৰেমিকজন। 

আৰু অৱশেষত পূৰ্বৰ প্ৰেমিকাৰ সৈতে বিবাহ পাশত আবদ্ধ হয় যুৱকজন।