Viral 90 Year Old Lawyer: ৯০ বছৰীয়া দৰা! পুত্ৰ-কন্যা, নাতি-নাতিনীক লগত লৈ গ'ল কইনা আনিবলৈ...

ভালপোৱাত বয়স নহয় কেতিয়াও বাধা! যেতিয়া সঁচা ভালপোৱা থাকে, তেতিয়া বয়স, পৰিচয়, জাতি-ধৰ্ম একোৱেই হেঙাৰ হ'ব নোৱাৰে। এনে এক ভালপোৱাৰ নজিৰ পোৱা গ'ল বাংলাদেশত। ৯০ বছৰীয়া এজন অধিবক্তাই বিয়া কৰালে ৪০ বছৰীয়া মহিলাক। যাক লৈ এতিয়া দেশখনত আৰম্ভ হৈছে জল্পনা-কল্পনা। ভাইৰেল হৈছে দৰা-কইনাৰ ফটো।

জনা গৈছে যে, ৯০ বছৰীয়া বৃদ্ধ জনৰ নাম মহম্মদ ইছমাইল। পেছাত এগৰাকী অধিবক্তা। ১৯৪৭ চনত মেট্ৰিক পাছ কৰিছিল। সোমবাৰে সেই ইছমাইলে নিজতকৈ ৫০ বছৰ সৰু মিনু আৰাক বিয়া কৰায়।

বিয়াত উপস্থিত আছিল ইছমাইলৰ ৫জন পুত্ৰ, এগৰাকী কন্যা, নাতি-নাতিনীও।

জানিব পৰা মতে, ৭ বছৰ পূৰ্বে তেওঁৰ পত্নীৰ মৃত্যু হৈছিল। আৰু অকলশৰীয়া জীৱনৰ অৱসান ঘটাবলৈকে পুনৰ বিবাহ কৰালে বুলি জনাইছে ইছমাইলে।

সূত্ৰৰ খবৰ অনুসৰি, কইনা মিনুৰ ঘৰ দেবীদ্বাৰ উপজিলাত।  তেওঁৰ পৰিয়ালৰ সকলো লোকেই উপস্থিত আছিল বিয়াখনত।