Vegetarian diet: আপুনি নিৰামিষভোজী? যদি হয় আহাৰত এনে খোৱা খাদ্য নাৰাখিলে বাঢ়িব পাৰে বিপদ

আমাৰ শৰীৰৰ বাবে প্ৰ'টিন (Protein) অত্যাৱশ্যকীয়। কিন্তু নিৰামিষভোজীসকলৰ (Vegetarian) প্ৰায়ে প্ৰ'টিনৰ অভাৱ থাকে। সেয়েহে, কিছুমান খাদ্য নিৰামিষ আহাৰত ৰাখিব লাগে। যদি সেই খাদ্যবোৰ উচ্চ প্ৰ'টিনৰ উৎস নহয়, শৰীৰত প্ৰ'টিনৰ অভাৱ থাকি যাব পাৰে।

প্ৰ'টিনৰ এটা উৎস হৈছে কাবুলী বুট৷ যদি আপুনি নিৰামিষভোজী হয়, তেন্তে আহাৰত নিয়মীয়াকৈ কাবুলী বুট থাকিব লাগে। প্ৰতি ১০০ গ্ৰাম কাবুলী বুটত ১০ গ্ৰাম প্ৰ'টিন থাকে। লগতে, কাবুলী বুটত আঁহ, লো, ফলো, ফছফৰাছ, পটাছিয়াম আৰু মেঙ্গানিজ থাকে। ই হজম কাৰ্যকলাপ ভাল কৰাৰ লগতে ডায়েবেটিছ নিয়ন্ত্ৰণ আৰু অতিৰিক্ত ওজন হ্ৰাসত সহায় কৰে।

শাৰীৰিক জটিলতা নাথাকিলে মচুৰ দাইল আৰু ৰহৰ দাইল আহাৰত ৰাখিব লাগে। প্ৰ'টিন আৰু আঁহেৰে ভৰ্তি মাহজাতীয় শস্য সামগ্ৰিকভাৱে শৰীৰৰ বাবে উপকাৰী।

চয়াবিনৰ পৰা তৈয়াৰ কৰা টফু প্ৰ'টিনৰ অনবদ্য উৎস। ইয়াত ৯টা অত্যাৱশ্যকীয় এমিনো এচিড থাকে৷ আঁহৰ উপৰি ইয়াত কেলচিয়াম, লো, জিংক, তাম আৰু মেঙ্গানিজ থাকে৷

পনীৰ কেলচিয়াম আৰু প্ৰ'টিনৰ উৎস। পনীৰে শৰীৰৰ ৰোগ প্ৰতিৰোধ প্ৰণালী আৰু হাড়ৰ গাঁথনি ভাল কৰে। নিৰামিষভোজীসকলে পনীৰক আহাৰত ৰখাটো নিতান্ত্যই প্ৰয়োজনীয়। একাপ পনীৰৰ পৰা ২৫ গ্ৰাম প্ৰ'টিন উপলব্ধ।

দৰাচলতে লেটিন আমেৰিকাৰ খাদ্য কিনোৱা (Quinoa) এতিয়া ইয়াতো যথেষ্ট জনপ্ৰিয়। কিনোৱা ক'লা, হালধীয়া আৰু বগা তিনিটা ৰঙত পোৱা যায়। এই গোটেই শস্যৰ বহুমুখী গুণ আছে। নিৰামিষভোজীসকলে প্ৰ'টিনৰ সামঞ্জস্য বজাই ৰাখিবলৈ এই পুষ্টিকৰ, গ্লাটেন-মুক্ত, আঁহসমৃদ্ধ খাদ্য খাব পাৰে।