বাস্তুশাস্ত্ৰ মতে, কোনো বস্তুৰ ইতিবাচক প্ৰভাৱ তেতিয়াহে দেখা যায়, যেতিয়া ইয়াক সঠিক পথত আৰু নিয়মিত প্ৰয়োগ কৰা হয়। মানি প্লাণ্টৰ নিয়ম – মানি প্লাণ্টৰ ক্ষেত্ৰতো একে কথাই প্ৰযোজ্য। মানি প্লাণ্ট যদি সঠিকভাৱে আৰু সঠিক স্থানত ৰোপণ কৰা হয়, তেন্তে ই সঁচাই মানি প্লাণ্টলৈ পৰিণত হয়। মানি প্লাণ্টৰ প্ৰভাৱ – এই গছৰ প্ৰভাৱত ঘৰত টকা–পইচা আহে আৰু জীৱনত কেতিয়াও আৰ্থিক সংকটৰ সন্মুখীন হ’বলগীয়া নহয়। সঠিক দিশত ৰাখিব লাগে – বাস্তু বিশেষজ্ঞৰ মতে, মানি প্লাইট সঠিক পথত ৰাখিলে পৰিয়ালৰ সদস্যসকলৰ উন্নতিৰ পথ খোল খায়। চাকৰি আৰু ব্যৱসায়ত লাভ হয়। আৰ্থিক সীমাবদ্ধতাৰ পৰাও মুক্তি পোৱা যায়। মানি প্লাণ্ট কুবেৰৰ গছ – ধাৰণা কৰা হয় যে মানি প্লাণ্ড কুবেৰ দেৱ আৰু বুধৰ সৈতে সম্পৰ্কিত। সেয়ে ঘৰত ইয়াক লগালে সুখ আৰু সমৃদ্ধি আহে। মানি প্লাণ্টৰ বহু নিয়ম বাস্তুশাস্ত্ৰত কোৱা হৈছে। এইবোৰ মানি চলিলে মানি প্লাণ্ট সঁচাকৈ মানি ট্ৰী হৈ পৰে। বাস্তু বিশেষজ্ঞৰ মতে, মানি প্লাণ্ট আৰু গাখীৰৰ প্ৰতিকাৰে যিকোনো মানুহক নিশাটোৰ ভিতৰতে ধনী কৰি তুলিব পাৰে। শুকুৰবাৰে যদি এই প্ৰতিকাৰ কৰা হয় তেন্তে সেয়া খুবেই বিশেষ হয়। আয় বৃদ্ধি কৰে – কোৱা হয় যে মানি প্লাণ্ট বৃদ্ধিৰ লগে লগে এজন ব্যক্তিৰ আয় বৃদ্ধি হয়। মানি প্লাণ্টত পানী দিয়াৰ সময়ত তাত কেইটোপালমান কেঁচা গাখীৰ মিহলাই লওক। মনত ৰাখিব, কেঁচা গাখীৰ অলপ পৰিমাণে ব্যৱহাৰ কৰিব লাগে। এই প্ৰতিকাৰটো কিছুদিন কৰাৰ পিছত আপুনি পাৰ্থক্য দেখিবলৈ আৰম্ভ কৰিব। মানি প্লাণ্ট যিমানে বৃদ্ধি পাব, পৰিয়ালৰ সদস্যসকলৰ আয়ো সিমানে বৃদ্ধি পাব! মানি প্লাণ্ট সকলো সময়তে দক্ষিণ–পূব দিশত অৰ্থাৎ আগ্নেয় কোণত ৰাখক। এই দিশত ৰখা শুভ বুলি কোৱা হয়। এই দিশত মানি প্লাণ্ট ৰাখিলে মানুহৰ বেয়া দিনৰ অন্ত পৰে। সম্পদ বৃদ্ধিৰ বাবে মানি প্লাণ্ট ৰোপণ কৰা হয়। সেয়ে এই গছ কেতিয়াও ঘৰৰ বাহিৰত লগোৱা উচিত নহয়। কাৰণ বেয়া নজৰ পৰিব পাৰে। মানি প্লাণ্ট যেতিয়া ডাঙৰ হয় তেতিয়া লক্ষ্য ৰাখিব ইয়াৰ ডাল যেন মাটিৰ দিশে নাযায়। ইয়াৰ শাখা–প্ৰশাখাবোৰ যদি ওপৰলৈ যায়, তেতিয়া মানুহৰ উন্নতি হয়। (Disclaimer : এই প্ৰতিবেদনত উল্লেখ কৰা তথ্য News18 অসমৰ নহয়। সেয়েহে বিস্তাৰিতভাৱে জানিবলৈ বিশেষজ্ঞৰ পৰামৰ্শ লওক।)
