Vastu Tips: এই গছসমূহৰ ভিতৰত যিকোনো এজোপা গছ ঘৰত ৰাখক, সৌভাগ্যই উপচি পৰিব সংসাৰ!

ঘৰত এনেই পৰি থকা ঠাই আছে নেকি? সজাব পৰাকৈ আছে নেকি কোনো স্থান? গছে সেই স্থান পূৰণ কৰিব পাৰে। লগতে সুখ আৰু সমৃদ্ধিৰ বাবেও কিছুমান গছ ঘৰত ৰখা ভাল।

আজিকালি ব্যস্ততাপূৰ্ণ জীৱনৰ বাবে পাৰ্কলৈ গৈ বহা বা আন ঠাইলৈ গৈ সময় কটোৱাটো অসম্ভৱ হৈ পৰিছে। সেয়ে ঘৰতে যদি গছ ৰখা যায়, তেন্তে সি সেউজীয়াৰ পৰশ দিয়াৰ লগতে সৌন্দৰ্যও বৃদ্ধি কৰিব।

আনফালে, ফেংশ্বুই (Feng Shui) মতে, কিছুমান গছ ঘৰত ৰাখিলে নিগেটিভ এনাৰ্জীৰ পৰা দূৰত থাকিব পাৰি। লগতে সংসাৰত সুখ–শান্তি বৃদ্ধি হয়। এনে কিছুমান গছৰ কথা ক’বলৈ লৈছো যিবোৰ সহজতে পোৱা যায় বা প্ৰতিপালন কৰাও সহজ।

মানি প্লাণ্ট : এই লতাজাতীয় গছ ঘৰত ৰাখিলে খুবেই ভাল বুলি কয় বহুতেই। আৰ্থিক উন্নতি আৰু সুখ–শান্তি বজাই ৰখাৰ বাবে এই গছ লগাব পাৰে। ইয়াৰ যত্ন লোৱাত খুব বেছি সমস্যা নহয়। খুব সহজে ঘৰত ৰাঘিব পাৰি।

লাকী বেম্বু : সৰু সৰু বাঁহ গছ, আজিকালি বহু দোকানত পোৱা যায়। ইয়াক বহুতে কাৰ্যালয়, ঘৰত বা ঘৰৰ যিকোনো ঠাইত ৰাখে। এই গছক লাকী বেম্বু বুলি কোৱা হয়। এই গছসমূহ একেলগে বন্ধা থাকে, তলৰ শিপাসমূহ পানীত ৰাখিলেই হয়।

স্নেক প্লাণ্ট : এই গছে বায়ু বিশুদ্ধ কৰে। পথৰ কাষতে ঘৰ থাকিলে ইয়াক ঘৰত ৰখা ভাল। লগতে বহুতেই কয়, এই গছ ঘৰত ৰাখিলে আৰ্থিক উন্নতি হয়।

এৰিকা পাম : দেখাত অতি সুন্দৰ। ঘৰৰ যিকোনো স্থানত ৰাখিলে সেই স্থানৰ সৌন্দৰ্য বৃদ্ধি কৰিব পাৰে এই গছে। লগতে এটা ফ্ৰেছ লুক দিব পাৰে এই গছে। বহুতেই কয়, এই গছ ঘৰত ৰাখিলে পজিটিভিটী বজাই ৰাখে, সুখ–সমৃদ্ধি বৃদ্ধি পায়।

জেড প্লাণ্ট : এই গছ ঘৰত ৰাখিলে সুখ–সমৃদ্ধি বজাই ৰাখে। লগতে দেখিবলৈও ভাল। এই গছৰ যত্ন ল’বলৈ খুব বেছি সমস্যা নহয়।