Vastu Tips For Wedding: সুখী বৈবাহিক জীৱনৰ সপোন দেখিছে নেকি? ‘বিয়াৰ কাৰ্ড’ক লৈ সাৱধান হওক

পূজাৰ বতৰৰ শেষ নৌহওঁতেই এইবাৰ আহিল বিয়াৰ বতৰ। কিন্তু ঘৰত বিয়াৰ কিছুমান বিষয়ত সাৱধান হওক। বিয়াৰ পিছত নতুন জীৱন এটাত ভৰি ৰখা নৱ দম্পতীৰ সুখৰ বাবে আগতেই কিছুমান বিষয়ত নজৰ ৰখাটো প্ৰয়োজন। আৰু সেয়ে বাস্তুক (Vastu Tips For Wedding) এৰাই চলিলে নহ’ব।

বাস্তুশাস্ত্ৰ (Vastu) শব্দটো আহিছে বস্তুৰ পৰা। বাস্তু বুলিলে সকলোকে বুজা যায় – সেয়া এটা স্থানো হ’ব পাৰে বা এটা ঘৰো হ’ব পাৰে। ভাৰত উপ–মহাদেশত প্ৰায় সভ্যতাৰ সূচনালগ্নৰে পৰা স্থাপত্য নিৰ্মাণক গুৰুদ্ব দিয়া হৈছে। প্ৰায় ৫০০০ বছৰ ধৰি বাস্তুবিদ্যাই কালৰ বিৰুদ্ধে নিৰন্তৰ সংগ্ৰামত জয়ী হৈছে।

স্থাপত্য উপবেদ বা স্থাপত্য শাস্ত্ৰৰ সূত্ৰসমূহ পৰৱৰ্তী সময়ত ‘বাস্তুশাস্ত্ৰ’ শিৰোনামত লিপিবদ্ধ হৈছে। বৈদিক যুগৰ পৰা স্থাপত বিজ্ঞান মূলতঃ মন্দিৰ নিৰ্মাণত ব্যৱহৃত হৈছিল। পৰৱৰ্তী সময়ত সেয়া বিস্তাৰ লাভ কৰে।

বাস্তুশাস্ত্ৰ মনত ৰাখিয়ে নতুন জীৱন আৰম্ভ কৰাৰ পূৰ্বে পালন কৰিব লাগে বহু নীতি। কাৰণ কোনো যেন অশুভ প্ৰভাৱ নপৰে। নতুন জীৱন আৰম্ভ কৰাৰ পূৰ্বে সেয়ে বিয়াৰ অন্যতম বিষয়ৰ ওপৰত নজৰ দিয়ক। বিয়াৰ এটা অন্যতম গুৰুত্বপূৰ্ণ বিষয় হ’ল বিয়াৰ কাৰ্ড। নৱ দম্পতী সুখত থাকিবলৈ বিয়াৰ কাৰ্ডৰ ক্ষেত্ৰত মানি চলক বাস্তুৰ এই নিয়মসমূহ।

বিয়াৰ কাৰ্ডত পাত্ৰ–পাত্ৰীৰ ফটো নিদিয়াই ভাল বুলি ভৱা হয় বাস্তুশাস্ত্ৰত। কোনো কাৰণত বিয়াৰ কাৰ্ডৰ ৰং ক’লা বা ধূসৰ কৰা উচিত নহয়। বৰ্তমান নানা আকাৰৰ বিয়াৰ কাৰ্য বা ডিজাইনাৰ কাৰ্ডৰ ট্ৰেণ্ড চলিছে। কিন্তু আয়তাকাৰ বা বৰ্গাকাৰ বিয়াৰ কাৰ্ডেই শুভ বুলি ভাৱে বাস্তুশাস্ত্ৰবিদসকলে।

বিয়াৰ কাৰ্ডত বহুতে ঠাকুৰৰ ফটো ব্যৱহাৰ কৰে, কিন্তু মন কৰিব লাগিব যাতে কোনো প্ৰকাৰে বিয়াৰ কাৰ্ডত নৃত্যৰত গণেশৰ ফটো ব্যৱহাৰ নহয়।

বিয়াৰ কাৰ্ডৰ ৰং ৰঙা বা মেৰুন হোৱা অতি শুভ বুলি কোৱা হয়। বিয়াৰ কাৰ্ডত স্বস্তিক চিহ্ন ৰাখক। এই চিহ্নৰ গুৰুত্ব অপৰিসীম।