আদা যুক্ত চাহ খাই ভাল পাই নেকি? সাৱধান! অজানিতে মাতি আনিছে বিপদ

ক্লান্ত ভাব দূৰ কৰিবলৈ বা চৰ্দি, মূৰৰ বিষ হৈ থাকিলে একাপ আদা দিয়া চাহ খালেই ভাল লাগি যায়। আনকি ঠাণ্ডাৰ দিনৰ সন্ধিয়া সকলোৱে একেলগে বহি একাপ আদা দিয়া চাহ খোৱাতো বহুতৰে অভ্যাস।  বিশেষজ্ঞৰ মতে, শৰীৰৰ বাবে অত্যন্ত উপকাৰী এই হাৰ্বেল চাহ।  ডিঙিৰ সমস্যা, মূৰৰ বিষ আদি বিভিন্ন সমস্যাৰ পৰা উপশম লাভ কৰা যায় আদা দিয়া চাহ খায়। কিন্তু অত্যাধিক পৰিমাণে আদা-চাহ খালে হ’ব পাৰে বিপদ। শৰীৰত দেখা দিব পাৰে একাধিক সমস্যা।

ৰক্তচাপ হ্ৰাস কৰে- একাধিক সমীক্ষা আৰু গৱেষণাত প্ৰমাণিত হৈছে যে, আদা খালে ব্লাড প্ৰেচাৰ কমি যায়। যাৰ উচ্চ ৰক্তচাপৰ সমস্যা আছে, তেওঁলোকৰ বাবে ই উত্তম। কিন্তু যাৰ প্ৰেচাৰ ল’ বা নৰ্মেল, তেওঁলোকে অত্যাধিক পৰিমাণে আদা-চাহ খাব নালাগে। প্ৰতিদিনে অত্যাধিক পৰিমাণে আদা-চাহ খালে শৰীৰ দুৰ্বল হৈ পৰিব পাৰে।

ডায়েৰিয়া হ’ব পাৰে- অত্যাধিক পৰিমাণে আদা খালে শৰীৰৰ হজম সংক্ৰান্তীয় নানা সমস্যাই দেখা দিয়ে। ঘনে ঘনে শৌচ হ’ব পাৰে। শৰীৰ দুৰ্বল হ’ব পাৰে।

ৰক্তক্ষৰণৰ কাৰণ হ’ব পাৰে আদা-চা- আডাত এণ্টি-প্লেটলেট উপাদান থাকে।  নহৰু বা লঙৰ সৈতে যদি অতিৰিক্ত পৰিমাণে আদা খোৱা যায়, তেন্তে  শৰীৰত ৰক্তক্ষৰণ হোৱাৰ সম্ভাৱনা থাকে।

হাৰ্টবাৰ্ণৰ কাৰণ হ’ব পাৰে আডা-চাহ- শৰীৰত এচিড ৰিফ্লাক্সৰ মাত্ৰা কমাই দিয়ে আদাই। এয়া বহু পৰীক্ষাত প্ৰমাণিত হৈছে। কিন্তু লগতে অন্যান্ত সমীক্ষায়ো দাবী কৰে যে, অতিৰিক্ত পৰিমাণে আদা খালে কেতিয়াবা হাৰ্ট বাৰ্ণ হোৱাৰ সম্ভাৱনা থাকে।

গৰ্ভৱতী মহিলাৰ বাবে বিপদৰ কাৰণ হ’ব পাৰে আদাযুক্ত চাহ- মনত ৰাখিব যে, প্ৰয়োজনতকৈ অধিক আডা গৰ্ভপাতৰ কাৰণ হ’ব পাৰে। সাদাৰণতে দিনে ১৫০০ এম জি পৰিমাণৰ আদা খোৱাৰ পৰামৰ্শ দিয়ে বিশেষজ্ঞই। কিন্তু ইয়াতকৈ অধিক পৰিমাণে আদা খালে গৰ্ভৱতী মহিলাৰ বাবে বিপদ হ’ব পাৰে।

চুলিৰ বৃদ্ধিত বাধা দিয়ে- চীনৰ এক গৱেষণাই কৈছে যে, চুলিৰ বৃদ্ধিত বাধা দিয়ে আদাই। এই গৱেষণাই কৈছে যে, যদি প্ৰচূৰ পৰিমাণে চুলি সৰাৰ সমস্যা আছে, তেন্তে আদা খোৱা কমাব লাগে। কাৰণ আদাত থকা উপাদানে চুলিৰ বৃদ্ধিত বাধা দিয়ে।